2016年7月14日 星期四

亂嚟~韭菜煎餅


呢幾日執屋執到我傻咗,

都唔知點解屋企會有咁多嘢架!

老公仲攪笑,

一路執相簿,

就一路睇舊相,

由佢自己細路哥嘅相,

睇大小魔怪嘅BB相,

越睇越津津有味,

點呀???

幾時先執完呀!

講番正題,

係廚房摷到包麵粉,

唔好嘥用嚟整嘢食,

份量係亂嚟架,

不過食落都唔錯喎!















材料: 麵粉2碗、熱水1碗、韭菜$2

調味: 鹽大半茶匙、麻油少許

做法: 韭菜洗淨後切碎,落調味攪勻;

將麵粉和熱水用筷子拌勻,然後用手搓粉糰至光滑,

將粉糰放入盆中,用濕毛巾蓋著等30分鐘;

搽少少麵粉係枱面,將粉糰分成4份(或6份),

將韭菜包入粉糰內壓平,燒熱易潔鑊落油放入韭菜餅煎至兩面金色便成。


 


 
大家可以入嚟Facebook讚下我新開嘅Fans專頁呀! 



14 則留言 :

如果大家覺得我煮嘅餸菜啱哂口味嘅話,不妨留個言,鼓勵下我啦!