2015年5月26日 星期二

姬松茸冬菇焗飯(健康素食版)

呢排天氣真係好差,

日日都落大雨,

今日早上仲掛起黑色添,

真係超潮濕呀!

濕濕淋淋,

懶筋又起,

下午煲咗個姬松茸冬菇焗飯(健康版),

煲緊飯時菇香四溢,

食得飯未呀???












材料: 姬松茸、冬菇、白米2杯半、蔥粒、紹酒(可以唔落)、橄欖油

調味: 豉油、韓國麻油

做法: 姬松茸和冬菇洗淨後浸軟去硬蒂(留浸姬松茸水);冬菇切片;

白米洗淨備用;燒熱鑊落少許橄欖油,加姬松茸和冬菇炒香贊酒,

落米炒至乾身後,放入電飯煲內,加平時煮飯的米水(米水中包括姬松茸水),

按煮飯制煮至飯熟跳制後,唔好開蓋焗多10~15分鐘,

最後加韓國麻油、豉油和蔥粒拌勻菇飯便成。


~今次整呢個係健康版素食,所以煲飯時剩係用姬松茸水和水;如想煮有味飯,可加素湯或雞湯(不是素食)做米水啦!


~冬菇營養豐富,且是著名的食用真菌,多糖能調節身體免疫反應,刺激抗體和活化細胞,對兒童生長發育最為有益,含有香菇素能平衡人體內的膽固醇,並是預防心血管疾病的健康食品,更有抗氧化,延緩衰老的功效。(網上資料)

~姬松茸具有益腸健胃、理氣化痰、平衡血糖等作用,含有豐富蛋白質多糖,並可增強人體免疫細胞。(網上資料)


 
  
大家可以入嚟Facebook讚下我新開嘅Fans專頁呀! 


19 則留言 :

  1. 有冬菇又有姬松茸,個飯一定好好味道呢 ^^

    回覆刪除
  2. 回覆
    1. 呢個飯真係好清香,但想更有味道,可以放雞湯做米水呀!

      刪除
  3. 兩款菇菇都好香 , 煮熟飯香噴噴 , 諗下都好想食啊 !

    回覆刪除

如果大家覺得我煮嘅餸菜啱哂口味嘅話,不妨留個言,鼓勵下我啦!