南乳芋頭炆排骨

 

上星期六，

 

係惠州買咗個好似飯碗咁大隻嘅芋頭返嚟，

 

擺咗咁多日都唔爛，

 

見小魔怪終於返屋企食飯，

 

即刻攞出嚟炆個排骨煲先得!

 

 

 

 

 

材料: 芋頭1個、一字排骨$35、南乳(大)半磚、冰糖2粒、紹酒半湯匙、

老抽少許、蒜蓉、乾蔥頭、薑2片、蔥絲

醃料: 豉油1湯匙、糖1茶匙、粟粉1茶匙、麻油少許

做法: 芋頭去皮切件；排骨洗淨後用醃料醃30分鐘；

南乳用半湯匙紹酒搓勻；燒熱油鑊，落芋頭略煎兩面至少少焦香上碟備用；

原鑊加少許油煎煎排骨至表面金黃色上碟備用；

凍油落LC鍋，加入蒜蓉、乾蔥頭、薑片和南乳爆香，

落排骨炒勻至每件排骨沾滿南乳，加1碗半水和冰糖煮滾後，

轉細火慢慢炆40分鐘後，落芋頭炆多15~20分鐘或至芋頭腍，

最後加少許老抽調色，灑上蔥絲裝飾便成。

 (如用普通煲炆排骨要落多少少水和炆起碼1小時啦!)

 
 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page