2015年1月7日 星期三

又嚟素雜錦煲

 
病咗4日,
 
我都冇好好哋煮過一餐飯,
 
全部都係工人姐姐煮簡單餸菜;
 
今朝小魔怪終於問我有冇湯飲啦!
 
至於大魔怪呢???
 
唔使講,
 
緊係煮個素雜錦煲俾佢嘆啦!
 



材料: 娃娃菜、冬菇、雲耳、豆腐卜、支竹、馬蹄和素魚蛋、

薑2片、油少許、熱水
 
調味: 素雞粉1.5茶匙、鹽少許
 
做法: 娃娃菜洗淨切片;雲耳浸軟去蒂;支竹用水浸軟;
 
豆腐卜用清水洗洗渣乾水份;馬蹄去皮;冬菇浸軟去蒂備用(留浸冬菇水);
 
凍油落玫瑰鍋加熱,落薑片和娃娃菜炒勻,
 
加入調味、浸冬菇水和適量熱水煮滾後,

逐一將冬菇、雲耳、豆腐卜、馬蹄、素魚蛋和支竹放入鍋內,

加蓋用中火煮5分鐘便成。
 
 

 
  
大家可以入嚟Facebook讚下我新開嘅Fans專頁呀! 
 
 

8 則留言 :

如果大家覺得我煮嘅餸菜啱哂口味嘅話,不妨留個言,鼓勵下我啦!