2011年6月10日 星期五

吃得苦中苦!


吃得苦中苦,

方為人上人 !

今日呢餐唔可以講係魔怪仔愛吃篇,

因為佢哋極唔鐘意食苦瓜,

但苦瓜係米飯班主嘅至愛,

所以今日應該係米飯班主愛吃篇呀!
 

 
 




豉汁涼瓜煎黑倉魚

材料: 涼瓜一個、黑倉魚1條、鹽、胡椒粉、薑、蒜蓉和豆豉

調味: 蠔油、豉油、老抽、糖、粟粉和1碗半水

做法:黑倉魚洗淨後用廚紙抹乾,用少許鹽和胡椒粉略醃;

涼瓜去核切條,用鹽醃15-20分鐘後洗淨瀝乾水份;

燒熱鑊落油爆香薑塊,將魚放入鑊煎,


(一定要熱鑊滾油,咁就唔黐底啦!)

煎好一面後先好翻魚再煎上碟;爆香蒜蓉和豆豉,

加涼瓜快炒數十吓,再加入調味炆涼瓜至腍,
 

最後試味(隨個人口味加糖),便可將涼瓜放在魚上。

大小魔怪唔鐘意食苦瓜,

但鐘意食魚喎!

佢哋一面食魚,

一面話苦,

仲叫我下次唔好加苦瓜落去呀!
 
 

 

 
大家可以入嚟Facebook讚下我新開嘅Fans專頁呀! 


 

沒有留言 :

張貼留言

如果大家覺得我煮嘅餸菜啱哂口味嘅話,不妨留個言,鼓勵下我啦!