2009年7月31日 星期五

七彩雜錦炒粒粒!

上幾日都有用三色椒和馬蹄煮餸,
但每次用的份量都比較少(慳家呀!),
所以今日將剩下的來一個小炒。
     

                                    
七彩雜錦炒粒粒
材料:三色椒、馬蹄、菜脯、梅頭豬肉和炒香花生。
醃料:豉油、麻油、糖和粟粉(醃豬肉粒30分鐘)
調味:蠔油、豉油、老抽、麻油、粟粉和水。
做法:
首先將全部材料切粒備用;
逐樣材料分開炒熟後盛起(三色椒、馬蹄和菜脯);
炒熟豬肉粒後,將全部材料再炒數十秒,
加調味炒至乾身,最後加花生便成。
P.S.調味醬料可轉用蒜頭豆豉醬或咖哩醬。
上次支滷水汁用咗1半嚟滷金錢肚,
奶奶冇食到。(因為好唔食牛類食物。)
於是買咗豬肚和豬腸嚟煮滷水汁,
等她都有份食呀!
     

滷水豬肚豬腸
     

蒜蓉炒小棠菜
點解又係小棠菜???
好簡單,因為貪平買咗2斤,
而大小魔怪又唔多鐘意食菜,
所以咪連續3日都食小棠菜囉!

  
  
大家可以入嚟Facebook讚下我新開嘅Fans專頁呀! 


沒有留言 :

張貼留言

如果大家覺得我煮嘅餸菜啱哂口味嘅話,不妨留個言,鼓勵下我啦!