唔想再食了無新意的家常菜？唔知外面的餐廳有無用地溝油？ 覺得下廚好難、好麻煩？定係，根本無時間下廚？ 無論如何，自己親手烹調的最健康、最美味同安全﹗ 幸福可以好簡單，為自己的家人洗手作羹湯， 雖然平凡，卻絕對是人間美味。 平凡的食材、用簡單步驟，就能令你同家人一齊感受舌尖上的幸福﹗ 雀后，自問只是一名平凡的家庭主婦，然而她每天都會用心經營，為家人送上最暖的心意，煮出一道道幸福美味。自從大小魔怪出生後，雀后從不假手於人，一家大小的飲食都是她一手包辦，由買餸醃肉到落手落腳煮，都親力親為，務求家人食得健康，食得開心﹗
老公夜晚要開業主會，
所以拿拿臨解凍2塊雞扒，
醃咗佢2~3個鍾就煎嚟食啦!
煎到塊雞皮脆卜卜，
真係好鬼正架!
材料: 雞扒2塊、蒜蓉、薑蓉
醃料: 鹽1茶匙、胡椒粉適量、黑椒碎適量
做法: 雞扒解凍後用廚紙索乾水份，
用刀把雞扒厚肉位置界幾刀，落醃料、蒜蓉和薑蓉醃半日或以上；
從雪櫃取出雞扒放室溫1小時；
燒熱鑊不需落油，盡量抹去蒜蓉和薑蓉，
將有皮雞扒放入鑊內煎(需要加鑊蓋)，
待雞扒出油後，反轉煎另一面(需要加鑊蓋)，
再反轉多幾次煎雞扒兩面，最後煎多次雞扒皮，
咁塊雞皮就更加脆口啦!
煎得好靚
如果大家覺得我煮嘅餸菜啱哂口味嘅話，不妨留個言，鼓勵下我啦!
煎得好靚
回覆刪除