呢兩日真係好忙，
噚日忙完餐團年飯，
今日又要整蘿蔔糕，
明天我要去沙田，
攞個圓形蘿蔔糕俾母親大人呀!
材料: 蘿蔔6斤(去皮計)、粘米粉一包(600g)、臘腸4條、
臘肉1條、蝦米4兩、薑5片、冰糖適量、浸蝦米水1碗
調味: 鹽4茶匙、胡椒粉適量(按自己喜好落鹽和胡椒粉調味)
做法: 將蘿蔔去皮洗淨後，4斤蘿蔔刨絲，2斤蘿蔔切條；蝦米浸軟；
臘腸、臘肉和蝦米蒸熟，臘腸和臘肉切粒；
落少許油爆香臘味粒和蝦米後盛起；原鑊加薑片炒蘿蔔絲(連蘿蔔水)，
加冰糖和1碗半浸蝦米水，煮至蘿蔔變透明色，落臘味粒和蝦米攪勻，
(記得留番少少臘味舖係蘿蔔糕面)
落調味後熄火，將1包粘米粉分4次加入蘿蔔絲裡，
不斷攪拌至粉和蘿蔔絲混合為止，放入蒸焗爐用105度蒸1個半小時，
又或用鑊隔水蒸1小時半，取出蘿蔔糕後，舖上少許臘味粒裝飾便成。
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!