2024華東(南京無鍚上海杭州)之旅~第一日

2024年11月4日(星期一)

今朝8點半係機場集合，

我哋匯合母親大人後，

寄完行李後，

就去食早餐啦!

今次我哋搭中國東方航空客機，

唔使3個鐘就到咗南京祿口機場啦!

導遊接咗我哋後，

第一個景點係南京夫子廟商圈，

導遊介紹我哋試下當地嘅鴨血粉絲湯和小籠包，

母親大人話好好味道呀!

漫遊秦淮河畔影下相，

團友話呢度變咗好多，

商業味太濃了。

晚餐食金陵風味餐，

普普通通，

食飽就好。

今晚住南京假日酒店，

導遊幫我哋爭取雪櫃飲品免費飲用，

正呀喂!

早早返到酒店，

我和老公就落街行下，

呢度附近有好多韓國餐廳，

原本附近有好多間韓國外資工廠，

佢哋嘅韓國員工好多住係酒店呀!

宵夜食清真招牌牛肉麵和肉夾膜，

麵係即拉即煮，

超好食呀!

  

大家可以入嚟Facebook讚下我新開嘅Fans專頁呀!

 雀后(添飯)Facebook Fan Page