噚晚晚餐三餸1湯，
客家釀豆腐卜炆冬瓜、自製叉燒&豬頸肉、
白灼菜芯和雪梨海底椰雪耳湯，
大魔怪和女朋友仔最鐘意食叉燒和豬頸肉，
佢哋食得好開心呀!
小魔怪中午去踩單車，
話唔使等佢食飯，
我就誤會佢唔返嚟食飯，
當小魔怪7點半返嚟話食飯時，
大件事喇!
冇留餸俾佢添!
唯有煮出前一丁俾佢食啦!
好彩仲有湯咋!
下次一定要問清楚佢返唔返嚟食飯先得。
客家釀豆腐卜
材料: 豆腐卜$10、梅頭豬肉碎$25、冬瓜1斤、乾蔥頭1個、
梅香咸魚適量、蔥粒、生粉水適量、清雞湯300ml
醃料:豉油1湯匙、鹽半茶匙、糖1茶匙、生粉1茶匙、水2湯匙、
胡椒粉適量、麻油少許
做法: 將梅頭豬肉碎、乾蔥蓉、梅香咸魚(剪碎)和醃料醃1小時；
豆腐卜沖水揸乾水份，剪開豆腐卜面，將豬肉餡釀入豆腐卜內，
略煎豆腐卜兩面上碟(不需要煮熟)；
將冬瓜件舖上煲仔底，加入豆腐卜、清雞湯和大半碗水，
煮滾後炆10分鐘左右，最後灑上蔥粒便成。
~今次想食清D，所以只用清雞湯做湯底，鹽都冇落呀!
想食濃味嘅話，可以按個人口味加蠔油、鹽、糖等調味呀!
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!