沙嗲金菇肥牛粉絲煲

今晚食沙爹金菇肥牛粉絲煲，

用咗李X記沙嗲醬；

有冇人好似我咁，

肥牛會先灼一灼先(幾秒好喇)，

再落調味醃下佢，

咁樣做肥牛雪味和膻會冇咗架!

仲入味咗添!

材料: 肥牛1磅、紫洋蔥半個、金菇1包、粉絲適量、清雞湯1碗、

沙嗲醬1.5湯匙、蒜蓉

醃料: 沙嗲醬1茶匙、豉油1湯匙

調味: 老抽適量、糖1茶匙

做法: 肥牛解凍後切半，放入熱水內灼幾秒撈起瀝乾，加醃料醃15分鐘；

粉絲浸軟；金菇去尾備用；紫洋蔥切絲；

燒熱油鑊落蒜蓉、洋蔥和沙嗲醬炒香，加清雞湯煮滾後，

落金菇、粉絲和調味後，舖上肥牛後蓋鍋蓋煮多1~2分鐘熄火，

最後灑上蔥粒便成。

大家可以入嚟Facebook讚下我新開嘅Fans專頁呀!

雀后(添飯)Facebook Fan Page