2016年4月12日 星期二

生菜薑粒餐肉雞蛋炒飯


今日下午要去博愛醫院見營養師,

聽講座和見營養師後,

希望我可以將依家嘅食量要再減半,

即係話~我唔到80歲都唔會有飽飯食呀!

(老公事後加咗句~唔係我講架,醫生話架咋!)

未見營養師之前炒定個飯做午餐,

噢,

真係要好好食真D午餐肉嘅味道,

因為呢個午餐肉屬於唔健康食品,

應該短時期唔會再食囉!




材料: 冷飯3碗、午餐肉1罐(小)、雞蛋2隻、生菜1/4個、薑蓉

做法: 冷飯放入微波爐加熱後備用;午餐肉切粒;

雞蛋加少許鹽打發好;生菜切絲;

燒熱鑊加少許油,落雞蛋快手炒勻至半熟後上碟;

原鑊落午餐肉粒煎香兩面,加入薑蓉快炒,

落冷飯快手炒散至粒粒分明,加雞蛋炒至飯粒乾身後,

最後生菜絲和少許鹽調味,炒多十數下上碟便成。

~可按個人口味加入蔥粒都可以啊!



 



大家可以入嚟Facebook讚下我新開嘅Fans專頁呀! 

12 則留言 :

  1. 午餐肉又唔係乜好嘢,唔食就算啦,身體健康緊要。

    回覆刪除
    回覆
    1. 係呀,不過冇食好耐,心思思想食呀!

      刪除
  2. 回覆
    1. 慢慢嚟囉,係屋企食嘅話咪食少D,出街就會用正常食量喇!

      刪除
  3. 雖然講身體健康緊要, 我自己時時諗減肥好像冇人生樂趣, 越諗減肥越想食多啲,唉。

    回覆刪除
    回覆
    1. 咪係囉,見到好嘢冇得食,好慘架!

      刪除
  4. 雖然午餐肉唔係屬於健康食品,但久唔久食都唔會有問題既,不過始終健康最緊要

    回覆刪除
  5. 陰功咯!好味野點忍得口架,不過為咗健康,聽話啦!

    回覆刪除
  6. 啊~ ~ 我到而家都未去驗身,唔緊去面對

    回覆刪除

如果大家覺得我煮嘅餸菜啱哂口味嘅話,不妨留個言,鼓勵下我啦!