2015年10月22日 星期四

衝動


是咁的,

工人姐姐差不多嚟咗二十二個月,

仲有2個月就到期;

因奶奶已申請到盲人安老院,

所以我哋都唔會同佢續約,

打算等佢自然滿約就算;

可惜近呢大半年開始,

家裡開始唔見錢,

小則100幾十蚊,

大則3000人民幣都有,

我哋已經加強防範,

貴重嘢都唔敢擺係屋企;

但人性真係好難測,

今朝小魔怪又唔見錢,

我明明朝早都見有$400係佢袋,

仲提佢擺好D錢,

點知轉頭已經唔見咗$100,

太太太過份啦!

即刻返屋企問佢,

佢仲扮傻話唔知,

仲話我有錢呀,太太,

激到我呢,

唔使講咁多,

即炒!

老公話我衝動咗,

但我條氣唔順,

成日俾佢偷錢,

又捉唔到,

冇證據又唔可以報警,

唔想夜長夢多,

驚佢又繼續偷偷偷呀!

至於小魔怪都有俾我勁駡架,

唔管理好佢自己D嘢(錢),

隨處亂放,

簡直引人犯罪呀!





大家可以入嚟Facebook讚下我新開嘅Fans專頁呀!
  



30 則留言 :

  1. 回覆
    1. 要呀,連大假及一個月人工,快快送走佢呀!

      刪除
  2. 你算好好脾氣啦,忍咗咁多次!

    回覆刪除
    回覆
    1. 佢主要工作係照顧奶奶,及做一般家務,買餸及煮飯都係我做,工作量唔多,好多時佢一早做哂D嘢,就坐係度講電話睇電腦,唔叫佢抹塵佢都唔會自動做呀!

      刪除
  3. 我之前有個朋友都係咁,個工人姐姐又偷錢,又偷首飾,仲整到個小主人 (朋友個仔) 跌親,逢左幾針,補錢即刻叫佢走,最攪笑走之前仲係咁媽叉我朋友同佢老公,都唔知邊個係僱主,邊個係工人囉

    回覆刪除
    回覆
    1. 所以我覺得雀后冇衝動架,咁既人抵炒

      刪除
    2. 我果工人姐姐都係態度唔好,見人唔會叫,叫佢做嘢就"jeep jeep"聲,話佢就扮傻,激到我呢!

      刪除
  4. 真係忍無可忍....,下次抄低銀紙NO
    再唔見馬上對NO.

    回覆刪除
    回覆
    1. 唉,日日抄底D錢號碼唔係辦法,最好係唔好擺貴重嘢係屋企至真,等佢偷冇可偷呀!

      刪除
  5. 回覆
    1. 衝動架,呢排我咩都唔做得,要留係屋企睇住奶奶呀!

      刪除
  6. 養唔熟呀! 費時夜長夢多,要炒,不過要補錢喎。

    回覆刪除
    回覆
    1. 炒咗佢之後我哋唔想佢返屋企執嘢,公司就搵2個印尼姐姐和姑奶一齊返屋企幫佢執行李。佢D雜物多到5個喼都唔夠用,就連鞋都有30~40對以上,仲有手提電話都有4部,ipad、衫褲鞋襪多蘿蘿,姑奶佢哋執咗個幾鐘先執完;仲發覺佢攞咗我唔少嘢,唔怪得我買返嚟嘅嘢,好多時都會唔見咗啦!原來係佢攞咗,佢連我張花花靚餐枱布都偷咗,好彩姑奶幫我留住,唔係又會俾佢攞埋走,唉,係呢段時間,佢都唔知攞咗我幾多嘢呀!

      刪除
    2. 家傭姐姐都是儲物狂。由於私隱問題,我只是在屋苑檢查住戶電箱時看過工人房內的情況,差不多暈低,工人房很細,很難想像她每晚如何睡在一大堆東西當中。

      刪除
  7. 支持你啊! 兒子十一歲了,老公又始終唔鍾意有個外人在家,所以約滿就唔再同家傭續約喇! 都已經做咗八年,佢無記性又有啲脾氣,但勝在老實和手腳乾淨,希望佢唔好在這最後一個月做壞自己個名啦。不過我都會小心啲。

    回覆刪除
    回覆
    1. 如果佢想繼續留係香港做嘢,應該唔會做壊自己個名,唔係就好難係度繼續做呀!

      刪除
  8. 好明白你的感受,忍完一次又一次....好地地相完約都唔得,即炒補錢走,好過成日唔見錢,勞氣!

    回覆刪除
    回覆
    1. 咪就係囉,我請咁多個工人,做得最差就係佢呀!

      刪除
  9. 我有朋友D姐姐都係咁...報警啦

    回覆刪除
    回覆
    1. 老公唔想攪到咁大件事,送佢走就算囉!

      刪除
  10. 雀后:你做得對,無謂激氣。早走早著。

    回覆刪除
  11. 好喇, 工人姐姐走左安樂晒,我好明白你的感受,呢d 人養唔熟, 以前我請三個都有兩個係咁.激死

    回覆刪除
    回覆
    1. 依家D工人姐姐真係唔知點諗,咁辛苦嚟香港打工都係為錢,點解要做衰自己個名,冇得繼續留底繼續做嘢,真係唔明白呀!

      刪除

如果大家覺得我煮嘅餸菜啱哂口味嘅話,不妨留個言,鼓勵下我啦!