2015年6月15日 星期一

夏日涼浸浸~薯仔沙律



今日挑起條筋想食沙律,

於是咪一早去百佳買材料,

點知百佳收銀機竟然擺工,

老公叫我唔好等放低D嘢走人,

我又唔想將成車整沙律嘅材料放回原處,

其實有好多人就咁將D嘢放係收銀前,

但我又做唔出囉!

唯有繼續死死氣排隊等俾錢,

足足等咗半小時先走得,

所以今日我要食多幾碗沙律補番數呀!








材料: 薯仔3個、富士蘋果3個、新鮮粟米3條、雞蛋4隻、


菠蘿1罐(小)、丘比BB沙律醬


做法: 薯仔烚熟灼皮切粒;粟米拆粒蒸熟;菠蘿切粒;


蘋果去皮去芯切粒;雞蛋烚熟後去殼切粒;


用一個大碗,放入所有材料,加BB沙律醬撈勻,雪凍就食得!


(材料可自由配搭,總之就係自己喜歡嘅味道啦!)



 
  
大家可以入嚟Facebook讚下我新開嘅Fans專頁呀! 



16 則留言 :

如果大家覺得我煮嘅餸菜啱哂口味嘅話,不妨留個言,鼓勵下我啦!