第三堂，
維也納藍莓忌廉芝士包&紅茶杏仁提子英式吐司。
响天盛街市買咗隻冰鮮豬手，
$40隻又唔貴喎!
加埋蓮藕和木耳，
炆咗一大鍋南乳蓮藕木耳炆豬手呀!
一餐食唔哂，
分咗2餐食呀!
噚日我哋入咗沙田，
去姐姐家慶祝姨甥仔亞諾23歲生日呀!
大個仔大學畢業，
已經出嚟做嘢啦!
姐姐準備咗好豐富嘅生日晚餐，
辛苦哂呀!
之前係759亞信屋買嘅pizza，
今日我和老公食埋最後一盒啦!
自從上次買完之後，
我都好耐冇見759有得賣，
想再買到佢都幾難呀!
今晚晚餐我都係冇煮飯，
煮咗餃子烏冬食，
兩個人食簡簡單單咪好囉!
前兩日煲咗個簡單嘅素湯，
蕃茄薯仔紅蘿蔔栗子湯，
材料全部俾我哋食哂，
真係一D都唔嘥架!
今日午餐食雜糧，
瑞士汁雜菜豬肉絲炒烏冬；
因為小魔怪在家工作，
所以炒咗4包烏冬，
多多都冇有怕，
小魔怪會幫我清哂佢呀!
蒸鳳爪排骨就食得多，
今日就試下用炆嘅方法去做，
落咗辣豆瓣醬一齊炆，
真係惹味好多架!
上次用咗1/4件咸魚嚟炒飯，
今日又剪咗少少咸魚肉嚟煮魚香茄子；
加咗咸魚嘅魚香茄子特別惹味，
攪到老公和我都唔覺唔覺咁，
添多咗飯呀!
今日買咗隻豬手，
叫亞姐唔好幫我斬件，
剩係腳趾位置斬開；
滷咗呢碟醬豬手，
豬手起骨片肉，
嘩，
啖啖肉，
又有骨膠原，
正呀喂!
小魔怪至愛食蝦，
噚日就買咗1磅半急凍蝦，
整咗一大碟豉油皇煎蝦，
食到佢Lam Lam脷呀!
小魔怪有個怪習慣，
佢會食埋D蝦殼，
我就唔得囉!
