唔想再食了無新意的家常菜？唔知外面的餐廳有無用地溝油？ 覺得下廚好難、好麻煩？定係，根本無時間下廚？ 無論如何，自己親手烹調的最健康、最美味同安全﹗ 幸福可以好簡單，為自己的家人洗手作羹湯， 雖然平凡，卻絕對是人間美味。 平凡的食材、用簡單步驟，就能令你同家人一齊感受舌尖上的幸福﹗ 雀后，自問只是一名平凡的家庭主婦，然而她每天都會用心經營，為家人送上最暖的心意，煮出一道道幸福美味。自從大小魔怪出生後，雀后從不假手於人，一家大小的飲食都是她一手包辦，由買餸醃肉到落手落腳煮，都親力親為，務求家人食得健康，食得開心﹗
買咗少少杏鮑菇和秀真菇，
咁啱雪櫃牛仔肉，
用佢嚟炒牛肉都幾搭喎，
夠哂我和老公兩個人食。
材料: 牛仔肉適量、杏鮑菇、秀真菇、蒜蓉
醃料: 豉油半湯匙、糖半茶匙、生粉1茶匙、水1湯匙、麻油少許
調味: 蠔油半湯匙、豉油適量、老抽少許、糖少許
做法: 牛仔切片後，落醃料和水1湯匙醃15分鐘；
杏鮑菇和秀真菇用濕布抹表面後切片；
燒熱油鑊落牛肉快炒至7成熟後，加入蒜蓉、杏鮑菇和秀真菇炒勻；
落調味和水2湯匙，煮至汁濃後落生粉水埋芡汁便成。
如果大家覺得我煮嘅餸菜啱哂口味嘅話，不妨留個言，鼓勵下我啦!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!