蕃茄雞蛋煮豬肉碎

 

老公鐘意食蕃茄，

每次煮呢個餸，

一定要煮多少少飯，

因為佢鐘意撈埋蕃茄蛋送飯，

今次加埋豬肉碎落去煮，

一個餸有蔬果、雞蛋和肉，

夠哂營養啦!

材料: 蕃茄3個、雞蛋3隻、豬肉碎適量、蔥粒、茄汁適量

醃料: 豉油半湯匙、糖半茶匙、生粉少許、水1湯匙、麻油少許

做法: 豬肉碎落醃料醃15分鐘；雞蛋落少許鹽打發好備用；

蕃茄底部界十字，放入熱水煮2分鐘後熄火，取出將蕃茄去皮切粒；

燒熱鑊落油，加入蛋液快炒成滑蛋後上碟(約8成熟)；

原鑊落少許油加肉碎炒至半熟後，落蕃茄粒和1碗水煮5~8分鐘；

按個人口味加茄汁、鹽和糖調味後，落埋雞蛋炒勻上碟，

最後灑上蔥粒便成。

大家可以入嚟Facebook讚下我新開嘅Fans專頁呀!

雀后(添飯)Facebook Fan Page