响惠州買咗兩條幼身苦瓜，
整咗老公最鐘意嘅蒜頭豆豉炆釀苦瓜，
今次用全豬肉餡，
食落都唔錯架!
材料: 苦瓜2條、豬肉$20、蒜蓉、豆豉
醃料: 豉油2茶匙、糖1茶匙、生粉1茶匙、麻油少許、水2湯匙
調味: 蠔油1湯匙、豉油1湯匙、老抽半湯匙、糖1茶匙、水1碗半
做法: 豬肉加入調味醃30分鐘；苦瓜洗淨後切段，將囊和籽去掉，
搽少少粟粉係苦瓜內，釀入肉餡；
燒熱鑊落油，撲少少生粉係苦瓜餡面，放入鑊內煎至肉餡有微微焦黃；
原鑊加少許油爆香蒜蓉豆豉，加入調味煮至苦瓜腍身，
最後加少少生粉水埋芡汁便成。
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!