今日下午我住果座洗水箱，
所以停水停咗4個小時，
攪到5點幾先有水呀!
有水都唔可以即刻用，
因為D水會比較污濁，
所以我冇煮飯，
只炒咗碟粉絲做晚餐。
材料: 粉絲適量、豬肉碎$30、冬菇仔10隻、蝦米適量、紹酒1湯匙、
蒜蓉、蔥粒
醃料: 豉油2茶匙、鹽半茶匙、糖1茶匙、生粉1茶匙、麻油少許
調味: 辣豆瓣醬1茶匙、蠔油1湯匙、老抽少許、糖1.5茶匙
做法: 豬肉碎落醃料醃15分鐘；冬菇和蝦米浸軟切粒；粉絲浸軟備用；
燒熱油鑊落冬菇和蝦米先炒香，加蒜蓉和豬肉碎快炒至豬肉碎散開，
炒至豬肉餡料8成熟後，落調味和大半碗煮至翻滾後，
加粉絲炒至乾身後，按個人口味落鹽和麻油調味，
最後灑上蔥粒便成。
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!