今日買咗3隻彩椒(紅綠橙色)收我7蚊，
1包金菇5蚊，
1斤芥蘭16蚊，
依家香港物價真係唔平囉!
屋企仲有2支乾腐竹和半碗豬肉碎，
今晚就炒咗呢碟腐竹木耳炒肉碎，
大大碟，
夠哂我和老公兩個人食呀!
材料: 乾支竹2條、木耳適量、彩椒3個、金菇1包、豬肉碎適量、蒜蓉
醃料: 豉油、糖、生粉各少許
調味: 黃豆醬半湯匙、蠔油半湯匙、豉油半湯匙、老抽少許、
糖1茶匙、鹽少許
做法: 支竹浸軟後剪段；木耳浸軟去硬蒂；
燒熱水加入木耳和支竹灼1分鐘後撈起備用；
豬肉碎落醃料醃15分鐘；彩椒切絲；金菇切根備用；
燒熱油鑊落豬肉碎快炒至8成熟，加入蒜蓉炒勻後，
落木耳、支竹、調味和大半碗水，煮至支竹軟身和肉熟後，
加入彩椒和金菇炒勻煮至彩椒斷生，最後落少許生粉水埋芡汁便成。
今朝早我去天水圍公園晨運，
見到荷花盛開，
好靚呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!