瑞士汁滷豬肚、火雞腎、雞翼

我都好耐冇買豬肚食啦!

所以今日就係佳寶買咗急凍豬肚、火雞腎和雞翼，

用瑞士汁滷咗一大鍋呀!

咪睇好似好多，

不過食下食下，

一件都冇剩呀!

材料: 急凍豬肚1個、火雞腎3個、雞翼8隻、薑6片、

蔥段適量、紹酒1湯匙

調味: 瑞士汁1碗、冰糖適量、老抽適量

做法: 豬肚、火雞腎和雞翼解凍後，放入熱水鑊內，

加薑2片、蔥段和紹酒出水5分鐘後沖水；

豬肚開邊剪去肥膏；火雞腎和雞翼沖洗乾淨；

將4碗水和調味先煮滾，落薑4片、豬肚、火雞腎滷45分鐘(滾後轉小火)，

再加雞翼滷多15分鐘熄火，待涼取出切片，將滷汁淋在滷味便成。

~滷雞翼時唔使開大火，用慢火慢慢浸熟D雞翼會滑好多架!

 

大家可以入嚟Facebook讚下我新開嘅Fans專頁呀! 
 

雀后(添飯)Facebook Fan Page