2015年10月29日 星期四

冬菇臘腸雞肉煲仔飯


雜貨舖開始有臘腸賣,

即刻買咗三孖嚟試下;

首選就係用佢嚟整煲仔飯,

食到小魔怪Lam Lam脷添呀!










材料: 2杯米、雞髀肉1塊、臘腸1條、冬菇6隻、菜芯8條

醃料: 豉油半湯匙、蠔油半湯匙、糖半茶匙、粟粉半茶匙、胡椒粉少許、

麻油少許、紹酒少許、生油少許

調味: 煲仔飯豉油1.5湯匙、麻油少許

做法: 雞髀肉解凍後切件,加入冬菇絲用醃料醃1小時;


臘味用熱水沖洗後蒸熟切片備用;洗2杯米後浸10分鐘,

將米放入LC 22cm鍋內加2杯半水(量米杯),

用中火煲約8分鐘至冒煙或差不多乾水後(即蝦眼水),


將冬菇雞肉平均放係飯面,用中火煮3分鐘,

即轉最細火煲多15分鐘,熄火焗10分鐘;

(期間需要將煲在煮食爐上下左右移動,使飯焦平均分佈)

最後加臘味焗多5分鐘,加入灼熟時菜和調味撈勻食得!

(煮食爐火力大飯焦就會燶D好味D架啦!)



  
大家可以入嚟Facebook讚下我新開嘅Fans專頁呀!

12 則留言 :

  1. 煲仔飯出埸 , 超正呀 ! 流口水中 .

    回覆刪除
    回覆
    1. 煮煲仔飯最好,一煲過連碟都唔使洗呀!

      刪除
  2. 回覆
    1. 臘腸可以一齊蒸,不過我唔鐘意臘腸D油走哂落D飯度,好油架!不過老公就話D油先係精華喎!

      刪除
  3. 秋冬吃臘味就最正!流口水了 ~ ~ ~

    回覆刪除

如果大家覺得我煮嘅餸菜啱哂口味嘅話,不妨留個言,鼓勵下我啦!