我返咗惠州果幾日，
老公買咗1斤幾大白菜返嚟食，
食咗幾餐都食唔哂；
今日我就用佢嚟煲湯~金銀菜咸鴨腎紅蘿蔔煲豬腱，
呢個湯有清熱潤肺、健脾生津等功效。
材料: 菜乾1扎、白菜8棵、咸鴨腎3個、豬腱$60、紅蘿蔔1個、
南北杏1湯匙、瑤柱仔1湯匙、蜜棗3粒
做法: 菜乾浸軟剪去硬蒂、紅蘿蔔去皮切件；白菜洗淨切半；
豬腱出水後，加少少鹽醃30分鐘；
咸鴨腎、瑤柱仔、南北杏和蜜棗沖水備用；
將10碗水煮滾後，加入所有材料(除白菜外)，
煲滾後轉小火煲1小時，撈起咸鴨腎切片和落白菜煲多30分鐘，
最後按個人口味落鹽調味。
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!