雀后~歡迎!歡迎蒞臨朱家天地!: 雪菜肉絲炆米

2020年8月5日星期三

雪菜肉絲炆米

抗疫午餐~雪菜肉絲炆米。

無論煮湯米或炆米粉，

我都鐘意用天鵝牌米粉，

米粉夠韌性，

唔易炒到碎哂呀!

炒咗2個米粉，

足夠哂3個人食架!

材料: 米粉2個、梅頭豬扒2塊、即食雪菜1包、白菜仔適量、

蒜蓉、蠔油1湯匙、麻油少許

醃料: 豉油1湯匙、鹽半茶匙、糖1茶匙、生粉1茶匙、麻油少許

調味: 蠔油1.5湯匙、豉油1湯匙、老抽適量、糖1茶匙、水1碗、鹽少許

做法: 梅頭豬扒解凍後切絲，用醃料醃1小時；

米粉用水浸軟後隔去水份備用；倒出雪菜沖水；白菜洗淨；

不需落油用白鑊炒乾雪菜，加糖1茶匙和少許麻油炒勻放鑊邊；

落少許油爆香蒜蓉和豬肉絲炒勻後，與雪菜拌勻，

加蠔油1湯匙和少許水煮至肉熟後上碟；

原鑊加少許油炒白菜，加入米粉、雪菜肉絲炒勻後，

落調味用慢火炆至汁濃，落埋麻油炒勻便成。

~今次炒咗一大碗雪菜肉絲，落咗一半炆米粉，留番一半明天煮麵食。