2017年2月3日 星期五

豉椒排骨


時間過得真係快,

今日已經年初七(立春),

咁又過咗一年,

又大一歲了!

祝大家人日快樂!











材料: 一字排骨$45、三色椒各色半包、洋蔥半個、蒜蓉、豆豉粒、生粉水

醃料: 豉油1湯匙、鹽半茶匙、糖1茶匙、麻油少許

調味: 蠔油1湯匙、老抽1茶匙、糖1茶匙、2碗水

做法: 一字排骨洗淨後瀝乾水份,加醃料醃1小時;

三色椒去核切件;洋蔥切件;豆豉粒略浸;

燒熱油鍋落排骨略煎表面,加調味用中大火煮滾後轉小火慢慢炆45分鐘;

燒熱油鑊落蒜蓉、豆豉粒和洋蔥爆香,加入三色椒和排骨(連汁)快炒,

加鑊蓋煮2~3分鐘或至洋蔥和三色椒熟後,落少許生粉水埋茨汁便成。


 

大家可以入嚟Facebook讚下我新開嘅Fans專頁呀! 




2 則留言 :

如果大家覺得我煮嘅餸菜啱哂口味嘅話,不妨留個言,鼓勵下我啦!