2017年1月2日 星期一

南乳炆蓮藕(素)


今日炆咗大魔怪至愛嘅南乳炆蓮藕,

佢成日話減肥唔肯添飯,

今餐竟然添咗2次飯,

好彩我有煮重米咋,

唔係就肯定唔夠佢食架啦!




材料: 蓮藕一節(大)、木耳2朵、豆腐卜$12、支3條、薑2片、粟粉水少許

調味: 南乳1磚(大)、豉油1湯匙、老抽少許、冰糖1湯匙、4碗水、鹽少許

做法: 蓮藕去皮切片;木耳浸軟切片;豆腐卜略洗揸乾水份;支竹浸軟;

南乳用少許水預先搓勻;落少許油熱燒鑊爆香南乳和薑片,

加入蓮藕、木耳片炒勻,落調味煮滾後,轉細火炆30分鐘,

加豆腐卜和支竹再炆多15分鐘,落少許生粉水埋茨汁便成。


 
  
大家可以入嚟Facebook讚下我新開嘅Fans專頁呀! 

8 則留言 :

如果大家覺得我煮嘅餸菜啱哂口味嘅話,不妨留個言,鼓勵下我啦!