2014年9月30日 星期二

蘿蔔魚鬆煲

 
用剩半個蘿蔔係雪櫃,
 
今日用佢嚟整個煲仔餸,
 
簡簡單單又湯又有餸,
 
濕濕哋撈飯至啱呀!
 
呢兩日香港發生的事情,
 
大家都有目共睹;
 
不論誰對誰錯,
 
發展到咁嘅地步,
 
下一步學生們應該會點做呢???
 
是否沒完沒了的繼續罷工罷課???
 
而政府又會有咩辦法去解決呢???
 
 

2014年9月28日 星期日

姨甥生日

 
姨甥仔16歲生日,
 
提早今日慶祝,
 
我準備咗兩個餸菜,
 
咖哩豬皮蘿蔔魚蛋雞翼尖和素腐皮卷。
 
 

2014年9月27日 星期六

滑蛋蝦仁

噚日係百佳買咗包急凍蝦仁$19.9,

對呢包蝦仁期望唔太大架,
但見平平哋咪買嚟試下囉!
今日用佢嚟炒蛋,
又唔錯喎,
D蝦肉係爽口架!
入得過喎!

2014年9月26日 星期五

XO醬三色椒炒粒粒

 
咳咗咁多日,
 
終於好番八八九九啦!
 
現在每次病都起碼超過一星期先好番,
 
真係元氣大傷架!
 
食咗幾日白粥,
 
口啖啖,
 
炒個小菜送粥先得喇!
 
 

2014年9月25日 星期四

麵包製作精選實習中班(第七堂)

 
今堂學整牛角包和丹麥包,
 
唔好講笑,
 
真係好好食,
 
我諗我會自己整嚟食架,
 
不過唔知幾時囉!
 
 

2014年9月24日 星期三

菜乾羅漢果豬骨湯

 
我見呢掛排仲有少少咳,
 
咪諗住煲啖湯嚟下飲囉!
 
點知洗豬骨時,
 
唔小心被豬骨插損隻手指,
 
我即刻學人啜血排毒,
 
好彩我洗嘅豬骨已經烚熟,
 
唔係入咗D食肉菌落去就大件事囉!
 



2014年9月23日 星期二

焗薯仔

 
焗薯仔係大魔怪至愛,
 
簡單又易做,
 
唔使用油炸,
 
當小食就最啱,
 
落沙律醬和茄汁,
 
任君選擇!
 
 

2014年9月22日 星期一

2014國慶盆菜

 
近年十一國慶,
 
我哋都會返元朗舊屋食盆菜;
 
今年舉辦得比較早,
 
所以小魔怪可以同埋我哋一齊去食盆菜。
 
今年盆菜訂輝記,
 
小魔怪話好好食,
 
真材實料,
 
腩肉多過蘿蔔呀!
 
 
 

2014年9月21日 星期日

南乳蓮藕炆栗子

 
噚日去街市,
 
俾我見到D靚靚桂林錐栗子,
 
即刻買番包嚟炆蓮藕,
 
加埋木耳和豆腐卜,
 
呢個素菜真係好惹味呀!
 


2014年9月20日 星期六

海底椰龍脷葉南北杏蜜棗陳皮豬展湯

 
今日仲有咳,
 
即刻買料煲海底椰龍脷葉南北杏蜜棗陳皮豬展湯,
 
呢個湯有止咳化痰潤肺等功效架!
 

2014年9月19日 星期五

薑蛋素肉醬炒飯

 
大小魔怪輪住病,
 
下一個緊係到我啦!
 
喉嚨痕兼痰上頸,
 
咳到甩肺呀!
 
唔想食粥,
 
簡單整個薑蛋素肉醬炒飯算啦!
 
 
 

2014年9月18日 星期四

尖沙咀滬江飯店

 
遠在澳州嘅T&P伉儷返咗嚟香港,
 
我哋約埋齊齊出嚟食飯聚一聚,
 
今次聚嘅地點係尖沙咀滬江飯店!
 
大家都認同,
 
食物水準冇以前咁好囉!
 
 
 
 
 

2014年9月17日 星期三

俏東北餃子店


今日,

我同老公、姑奶一齊返中國辦點事,

十一點左右上到去,

原來下午三點做先等齊人辦事,

唯有搵咗個地方食少少嘢啦!

食完仲有時間喎,

再搵個地方按下對肥腳先得!

2014年9月16日 星期二

麵包製作精選實習中班(第六堂)

 
今日學整嘅係法包&葡式農夫包,
 
兩款包健康又好味道,
 
可惜我個人唔健康,
 
鐘意夾牛油食囉!
 
 

2014年9月15日 星期一

客家甜梅菜蒸排骨

 
惠州最出名係咩???

梗係梅菜啦!

尤其佢嘅甜梅菜,

真係超正架!

所以我次次返親惠州,

母親大人都叫我買斤梅菜俾佢架!


 

2014年9月14日 星期日

碟頭飯~日式咖哩南瓜粟米肉醬飯

 
工人姐姐放假,
 
今日我煮足早午茶點和晚餐,
 
一腳踢買洗切煮,
 
咪話真係幾攰架!
 
所以晚餐都係食碟頭飯算啦!


2014年9月13日 星期六

下火靚粥~菜乾蠔豉咸鴨腎豬展骨粥&芽菜炒麵

 
近排小魔怪太火了,
 
喉嚨痕兼咳,
 
前兩日煲咗羅漢果水,
 
飲咗好番少少,
 
今日再煲過下火靚粥俾佢食,
 
清清佢D火呀!
 

2014年9月12日 星期五

南乳花生豆腐卜炆豬手

 
呢排忙忙忙,
 
有時真係冇咩時間煮飯,
 
所以今朝一早炆定煲豬手,
 
咁今晚果餐就有著落啦!
 
還掂都係炆,
 
今日買咗1隻豬手加1隻豬腳,
 
如果食剩嘅話聽日食仲入味呀!
 

2014年9月11日 星期四

醬爆蜆肉雞丁

 
得閒時,
 
真係要執執個冰箱,
 
原來有好多食材未用架,
 
今日就清咗包蜆肉呀!
 

2014年9月10日 星期三

XO醬芽菜雞蛋炒腸粉

 
熱熱熱,
 
今日熱到唔想食飯,
 
整咗個XO醬炒腸粉,
 
夠哂惹味,
 
越食越想食添!
 

2014年9月9日 星期二

麥片蝦

 
朋友仔送咗幾包新加坡買嘅麥片蝦配料俾我,
 
簡單方便又好味道,
 
唔錯架!
 
 

2014年9月8日 星期一

中秋BBQ


連續幾年嘅中秋節,

我哋都係去姐姐家BBQ,

次BBQ亦都係慶祝我生日呀!

除咗燒雞翼外,

仲燒埋海鮮添呀!

2014年9月7日 星期日

惠州迎中秋

 
噚日又返咗惠州玩咗2日,
 
順便同親戚朋友一齊過中秋;
 
返到惠州都已經下午1點幾,
 
即刻搵地方醫肚啦!
 
 

2014年9月5日 星期五

生日飯


今日係我正日生日,

但大小魔怪晚上都唔得閒返嚟食飯,

所以今晚剩番3個老人家係屋企咋!

不過下午呢餐係小魔怪請我食嘅生日飯,

我哋去咗頌富商場裡面嘅板長壽司,

小魔怪負責點菜,

全部點哂佢鐘意食嘅嘢,

2個人食到飽飽,

睇怕今晚都唔使食囉!

呢度食咗$433。

多謝大家係facebook嘅祝福,

我已經將所有祝福袋袋平安,

放哂入心裡面啦!




2014年9月4日 星期四

A貨~印尼炒飯

 
有一大碗冷飯,
 
食得唔好嘥,
 
簡簡單單炒咗個印尼炒飯;
 
雖然唔多正宗,
 
但好味道就得啦!
 
嘻嘻!
 
 

2014年9月3日 星期三

麵包製作精選實習中班(第三~五堂)

 
今日伸伸懶腰扭親條腰之餘,
 
仲衰多手delete咗上幾堂嘅麵包相,
 
即刻冇哂心機!
 
第三堂~朱古力(吉士餡)&葡式粟米煙肉包
 
 

2014年9月2日 星期二

2014年9月1日 星期一

齋鹵味~酸甜齋和咖哩齋

 
今日行過佳寶,
 
俾我見到有麵根賣,
 
諗起好耐冇整過齋鹵味,
 
即刻買咗一包返屋企,
 
整咗大魔怪鐘意嘅酸甜齋和咖哩齋啦!