2014年2月21日 星期五

素雜菜薯餅

 
今朝冇咩忙,
 
剩係搓定呢個薯餅,
 
等大魔怪返嚟有得食;
 
好方便,
 
整定放入冰箱,
 
隨時沾麵包糠炸嚟食就得啦!


 
 





 



材料: 薯仔4個、新鮮粟米1條、甘筍半個、麵粉、蛋1隻和麵包糠、生菜絲

調味: 牛油1湯匙、幼鹽和黑胡椒碎適量

做法: 甘筍去皮刨絲;燒熱水放入薯仔和粟米烚腍;粟米拆粒;

襯熱把薯仔去皮用匙羹壓成蓉後落牛油攪勻,

加入粟米、甘筍絲、幼鹽和黑胡椒碎拌勻後,

將雜菜薯蓉搓成餅,放入冰箱雪硬身,順序沾上麵粉、蛋液和麵包糠,

放在熱滾油上炸至金黃色,用廚紙索油後,放在生菜絲上便成。

(小心油唔可以太滾,唔係就好易燶架!)







  
 

 
大家可以入嚟Facebook讚下我新開嘅Fans專頁呀!

 

 

 

36 則留言 :

  1. 好主意喎,可以整定啲做存貨^^

    回覆刪除
    回覆
    1. 我懶嘛,咪一次過整多D放入冰箱囉!

      刪除
  2. 大魔怪真幸福,一返o黎就有好o野食!

    回覆刪除
    回覆
    1. 佢平日返學冇啖好食,襯佢返嚟咪整D嘢俾佢食囉!

      刪除
  3. 好靚呀!睇見就想食喇!

    回覆刪除
  4. 有咁豐富嘅嘢嚟食,大魔怪好幸福呀!

    回覆刪除
  5. 我好唔識整,因為好似淋 pat pat. 原來要入冰箱雪硬。

    回覆刪除
    回覆
    1. 雪硬少少易煎呀!過記得搓薯餅唔好搓咁厚身,因雪硬了內裡會結冰架,太厚會難炸熟架!

      刪除
  6. 老公同我都好鐘意食呢個!

    回覆刪除
  7.  要炸都係去你度食嘞

    回覆刪除
  8. 嘩....嗰D薯餅炸得好金黃, 又唔覺油淋淋 火喉和炸油控制得好好...!!

    回覆刪除
  9. 食就好食,不過炸嘢我怕肥,真予盾

    回覆刪除
  10. 炸野對我嚟講已經係唔簡單喇!

    回覆刪除
  11. 我成日炸到燶晒,原來要油唔好太滾,呢個先係重點, oh i see la. Thank you.

    回覆刪除
    回覆
    1. 太滾油好易炸燶架!初頭要用中火,最後轉大火逼番D油出嚟就得!

      刪除

如果大家覺得我煮嘅餸菜啱哂口味嘅話,不妨留個言,鼓勵下我啦!