2013年8月31日 星期六

魚香茄子雞絲炆伊麵!




每次轉新地方寫blog緊係有唔習慣架喇!
 
希望慢慢可以摸熟呢度啦!
 
大家如果想係度留言,
 
要先登入做會員架!
 
再唔係就係我嘅facebook fan page留言都得啦!
 



 

2013年8月30日 星期五

重新開始!


今日知道Yohoo Blog 遲D會執,

咁我多年嘅心血就嚟冇哂,

好唔開心呀!

次次搬家都會唔見咗一大班blog友仔,

點算好呀???


 

2013年8月29日 星期四

翠肉瓜雲耳炒牛展!

唉,

最後一條牛展都清埋,

點解個冰箱仲有咁多嘢架!

老公下令唔清一大半都唔俾再買嘢,

咁我聽住先啦!

 
 

2013年8月28日 星期三

雙冬燴魚鬆!


噚日買咗大大舊冬瓜,

一半用嚟煮湯羹,

另一半今日用嚟炆呀!

簡簡單單又一個家庭餸呀!
 

2013年8月27日 星期二

冬茸粟米豆腐蛋花羹!


大魔怪噚晚半夜入完CAMP返嚟成個散哂,

連把聲都沙埋,

佢話3日冇瞓過覺喎,

唔係玩得咁激嘛!

今朝晨早7點又要出去返學,

老公都有少少微言,

玩咩玩到咁殘???


2013年8月26日 星期一

蜜汁醬爆牛仔骨!


繼續清雪櫃物資;

今次清嘅係牛仔骨,

剩番6條,

話多唔多,

話少唔少,

唔理啦!

一次過整哂佢啦!



 

2013年8月25日 星期日

蜜汁叉燒!


最近好鐘意上youtube聽歌,

尤其呢排追緊睇
中國好聲音2

每位參賽者背後都有著不同故事,

好感動啊!


 

2013年8月24日 星期六

咸鴨腎豬展粥+ 椰菜甘筍雞絲炒烏冬!

 
今日大魔怪又入o camp啦!

上次打風入camp玩咗1日就取消咗,

不過今日天氣唔見得好好,

間中仲落大雨添,

希望佢玩得開心啦!


 

2013年8月23日 星期五

南瓜蒜蓉豆豉蒸排骨!


 
噚日一連整咗兩樣老公鐘意食嘅嘢,

除花生麥米糖水外,

另一樣就係南瓜蒜蓉豆豉蒸排骨喇!

佢一見到有南瓜食,

即刻話正呀!


2013年8月22日 星期四

懷舊糖水~花生麥米粥!

 
前排老公話好想食花生麥米粥,

嘩,

呢個糖水真係幾十年冇食過囉!

細細個超唔鐘意食呢個糖水,

因為怕咬麥米囉!

又覺得呢個糖水好鬼老套,

芝麻糊、紅綠豆沙先啱我架嘛!

隨年紀越來越成長,

哈哈,


依家又好似好好食咁喎!


 

2013年8月21日 星期三

招牌素肉欖菜薑粒炒飯!


 
大魔怪食咗素菜一個多月,

今日睇到佢好似瘦咗,

睇嚟我都要考慮考慮多菜少肉,

減減肥先得!

呢個招牌素肉欖菜薑粒炒飯,

咸咸香香,

係我哋近期至愛啊!


 

2013年8月20日 星期二

2013年8月18日 星期日

又係佢~咖哩豬皮蘿蔔魚蛋雞翼尖!

成個暑假都冇去探過祈祈BB啦!

所以今日我同老公會入沙田;

我哋習慣每家人各自準備晚餐食品的,

但我冇得揀煮咩,

因為又係母親大人和妹妹佢哋指定要食~
咖哩豬皮蘿蔔魚蛋雞翼尖!

嘜妳哋唔厭架咩???

煮咗一大鑊,

帶一半過嚟妳哋度,

一半留番嚟等我自己慢慢嘆啦喂!



2013年8月17日 星期六

露絲瑪莉焗雞扒!

 
係夏天,

我真係唔想入廚房煮餸,

次次煮完飯都熱到我死死下,

咩胃口都冇哂啦!

所以我好多時都會用焗爐,

較定時間,

較定爐火,

放咗入去唔使點理,

夠時間就食得啦!

拔,

脆雞皮,

好邪惡,

但好好味道囉!
 
 

2013年8月16日 星期五

豉汁蒸黃立倉魚!


 
食魚通常唔係蒸就係煎;

蒸魚時唔一定剩係落豉油嘅,

亦都可以用豉汁去蒸,

我就好鐘意用呢個豉汁啦!

夠哂惹味呀!
 

2013年8月15日 星期四

日本名廚廚藝坊!

今日好高興參加樂天市場舉辦~「品食日本.日本名廚廚藝坊」活動,


除跟大廚學整日本料理外,

並品嚐咗一餐好豐富嘅日式午餐,

仲有日本岡
山桃做手信添!
 

2013年8月14日 星期三

菠蘿咕嚕排骨!


 
今日打8號風球,

我家面向西南,

唔覺好大風,

只係間中落下大雨;

去到街市冷冷清清,

想買三色椒整咕嚕排骨都冇得賣,

唯有改用菠蘿啦!


 

2013年8月13日 星期二

自家製炸醬!


今朝起身已經掛緊3號風球,

拿拿臨去街市買餸,

嘩,

成個街市逼滿人,

個個都係度儲量,

唔通真係打到嚟???


今日煮定個自家製炸醬,

打風唔怕冇嘢食啦!

拌麵拌飯都得架!
 

 

2013年8月12日 星期一

香煎玉子豆腐!

好鐘意食玉子豆腐,

因為佢夠滑囉!

$6.5有5條玉子豆腐,

今次用咗2條咋,

$2.6可以做一碟餸???

係得架!








材料: 玉子豆腐2條、椒鹽適量、蛋1隻

粉漿: 1茶匙粟粉加1茶匙水攪勻,再加1隻蛋(發勻)開成粉漿

做法: 切開玉子豆腐後沾蛋漿,

燒熱平底油鑊落玉子豆腐煎至兩面金黃色,

煎完灑少少椒鹽係面呀!


 


大家可以入嚟Facebook讚下我新開嘅Fans專頁呀!

2013年8月11日 星期日

2013年韓國之旅~第五日!

 
2013年7月28日

今日係最後一日係韓國,

我哋一早食呢個團最貴嘅早餐~洲際酒店自助早餐,

超多選擇,

真係好豐富呀!

 

2013年8月10日 星期六

韭菜炒蜆肉!

平時一見有特價,

我就買埋買埋好多食材放咗係冰箱,

攪到依家想再入貨都要考慮考慮;

所以今日決定清咁少少貨先,

摷摷下發覺蜆肉都有3包,

好,

一於清咗一包先啦!

點知炒埋份量得好少,

早知炒多包啦!


2013年8月9日 星期五

炒素麵+菜乾瑤柱肉丸粥!



平時唔臭米氣嘅我,


最鐘意就係食粉麵架啦!

但奶奶要食飯,

大魔怪又要食素,

唔難喎!

 炒素麵+菜乾瑤柱肉丸粥,

兩個都啱食啦!

 

2013年8月8日 星期四

蕃茄豆腐紫菜湯!

 
大魔怪開始食素菜,

剩食素好似冇咩營養咁,

佢又唔多鐘意食豆類食品,

真係冇佢辦法呀!

我要諗諗計仔,

等佢吸收多D營養先得啦!
 
 

2013年8月7日 星期三

2013年韓國之旅~第四日!


2013年7月27日

韓國天文台話今日會有太陽,

所以導遊哥哥拿拿聲繼續帶我哋遊樂天世界和明洞行街街。


2013年8月6日 星期二

蕃茄生菜雞絲配日式芝麻醬拉麵!


 

依家逢二、四朝早8:45~10:15會去學瑜珈,

空肚做運動,

做完好鬼肚餓架!

所以呢兩日會早D準備brunch,

學完返嚟就有得食啦!




2013年8月4日 星期日

2013年韓國之旅~第三日!

 
2013年7月26日


又一個陽光普照的日子。

今日第一樣好想食唔係指定團體早餐,

而係韓國街邊的小食攤位,

拉花咖啡和芝士火腿蛋三文治,

超好食,

有機會大家一定要試呀!



2013年8月3日 星期六

薯仔炆豬軟骨!


十幾年冇做瑜珈,

前日開始玩番有少少吃力,

骨頭硬咗好多,

不過我會量力而為,

唔會夾硬嚟,

費事整親睇醫生啦!

P.S.噚日炆咗一大煲薯仔豬軟骨,


點知個個都唔返嚟食飯,

點算呀?

2013年8月1日 星期四

2013年韓國之旅~第二日!


2013年7月25日

今日天朗氣清,

起身食個簡簡單單酒店早餐後,

我哋出發去Everland夢幻樂園啦!

15年前嚟過後,

呢度都冇咩變喎!