2013年3月31日 星期日

白菜木耳豬肉餃!

連續兩日都買咗1磅豬肉碎返屋企,

真係老人痴呆症發作呀!

2磅幾豬肉用嚟做咩???

用嚟包餃子就最啱啦!

今日總共包咗110隻餃子,

48隻煎餃放咗入冰箱急凍後入袋裝好,

隨時煎嚟食都得;

至於62隻湯餃加埋4個烏冬,

做咗我哋嘅午餐啦!


2013年3月30日 星期六

阿華田朱古力粒muffin!


復活節第二日節目~探祈祈BB,

整咗10個阿華田朱古力粒muffin做下午小食!

仲有今日係老公正日生日,

祝老公生日快樂,

搵多D賺多D錢~俾哂我洗呀!

材料: 自發粉200g、牛油100g、糖100g、蛋2隻、牛奶80g、

阿華田粉20g、入爐朱古力粒30g+8g(裝飾用)

(原譜用低筋麵粉200g、梳打粉1g、泡打粉5g篩勻備用)

做法: 牛油擺室溫至軟身後用匙羹將糖搓至混合,

逐一加入2隻蛋攪勻成豆腐花狀後加入牛奶攪勻至冇粒粒;

把已過篩的自發粉、阿華田粉和朱古力粒加入蛋糊內攪勻,

用匙羹"畢"入紙杯內,加入少許朱古力粒係粉糊上,

放入已預熱15分鐘嘅焗爐,用180度上下火焗約20分鐘便成。
 
 
 

 
大家可以入嚟Facebook讚下我新開嘅Fans專頁呀!

2013年3月29日 星期五

風雨中的約會!

 

噚日香港天氣唔多好,

間中橫風橫雨仲行雷閃電添呀!

但冇阻我哋一班同事燒嘢食嘅興緻!

相約同事飲完茶後,

齊齊買嘢到同事家中燒嘢食!

同事屋企有塊地,

種咗好多蕃茄和菜!

飲茶加燒嘢食,

每人$125咋!

2013年3月28日 星期四

西餅蛋糕製作精選實習班三(第四堂)~栗子芝士蛋糕&酒心朱古力撻!


星期二(26/3),

呢日學整栗子芝士蛋糕&酒心朱古力撻!

亞sir落重料整個酒心撻,

加咗成杯rum酒落朱古力漿度,

好酒呀!

2013年3月27日 星期三

泰式豬手飯!


好鐘意食泰式豬手,

次次去泰國菜館都會叫碟嚟食,

唔知自己整得唔得呢???

同事母親係泰國華僑,

除教我整豬手外,

仲幫我買埋泰國香料,

真係唔該哂呀!


 題外話:

大魔怪好攪笑,

我一路炆豬手,

佢猛咁話好香,

我話炆俾佢食架,

佢話幾驚我係炆俾同事食,


好彩有得食啫!


 

2013年3月26日 星期二

放假啦喂!

呵呵呵,

返埋今日放假啦喂!

一連12日嘅復活假期由明天開始,

4月8日先返學呀!

開心!

襯假期,

我哋老師又攪個小型大食會。

大食會???(唔係好多嘢食喎???)

呢次大食會係我哋下午啱啱放底飯碗冇耐,

我諗都唔夠5分鐘又開第二餐,

仲唔係大食!

2013年3月25日 星期一

第一次整彩繪蛋糕卷!

 

今日臨時代朋友仔返學,

學咩嘢???

就係彩繪蛋糕卷啦!

呢個蛋糕卷唔講得上好靚仔,

第一次係咁上下架喇,

應該得閒時會係屋企都玩下啦!

2013年3月24日 星期日

豐食足食!


大小魔怪唔係咁鐘意食白粥,

要食粥就要煲有味粥啦!

今日午餐有菜乾排骨粥、上海粗炒烏冬、油炸鬼牛脷酥!

全部都係大大煲大大鑊!


 

2013年3月23日 星期六

木瓜眉豆花生雞腳排骨湯!

 
咁多種生果湯之中,

我哋一家最鐘意飲嘅就係木瓜湯啦!

仲可以連湯連渣全部食清哂添,

一D都唔嘥架!


今日買嘅木瓜超正,

啖湯好甜呀!


2013年3月22日 星期五

燕麥馬蹄豬肉蒸鮮冬菇!

 
人人話食得健康,

睇怕我都要跟啦!

今日蒸馬蹄豬肉,

攪攪新意思,

加咗燕麥、鮮冬菇和杞子,

嘻嘻,

又幾好食呀!



 

2013年3月21日 星期四

鮮奶燉蛋白!

 
呢排天氣唔好,

又濕又熱,

令人心情煩躁,

食慾不振,

好想食甜嘢呀!

 
 

2013年3月20日 星期三

芝士豬扒焗肉醬意粉!

 
今日係中國節氣~春分,

即係話春天已經過咗一半,

天氣亦開始不穩定,

時晴時雨,

大家都要小心身體,

唔好凍親呀!

 
 

2013年3月19日 星期二

2013年3月18日 星期一

大小魔怪生日快樂呀!

 
今日係大小魔怪18歲正日生日!
都係果句啦~大小魔怪記得要孝順父母,
俾心機讀書啦!
 

2013年3月17日 星期日

又嚟...病!

唉,

呢排都唔知撞到D咩嘢,
 
前排咳已經過咗2日苦日子,

以為自己好番啦!

點知今日又嚟喉嚨痛,

唔想睇醫生,

唯有配D藥嚟食!

頭痛醫頭,

腳痛醫腳,

喉嚨痛緊係醫喉嚨啦!

呢度2日藥,

每日四次,

承惠$28。

一盒油雞鴨飯加凍冰紅茶$26,

嘩,

做咩又加咗價架!


2013年3月16日 星期六

2013春季親子旅行!

今日係學校春季親子旅行,

目的地:大埔海濱公園放風箏~科學園食自助餐~錦田鄉村俱樂部!

今次又係跟旅行團去,

我哋老師舒服好多呀!
 

2013年3月15日 星期五

紫菜雜丸米線!

 
唉,

我認我係大懵兼冇手尾,

係學校攞咗個銀包出嚟後,

唔記等放番入袋,

依家身上得幾草嘢,

點算好呀!

冇錢買餸,

唯有食米線啦!

 

2013年3月14日 星期四

2013年3月13日 星期三

2013年3月12日 星期二

白花釀豆腐!

前日睇中醫,

醫師話我一定要戒凍飲,

唔係就會難好喎!

唉,

我至唔鐘意就係飲熱嘢,

依家要我戒凍飲,

我想死囉!



2013年3月11日 星期一

蒜香肉碎粟米蟹柳炒墨魚麵!

雖然大小魔怪唔使返學咋,

不過點都唔可以俾佢哋留係屋企,

因為太多誘惑啦!(電腦、電視和牀)

佢哋學校鼓勵中六學生返學校課室自修,

間中仲會有老師幫助解答問題添,

我梗係要佢哋返學校溫書啦!

唔使勞氣嘛!

大魔怪早咗返嚟話肚餓,

見你咁乖乖溫書,

等我即炒碟蒜香肉碎粟米蟹柳墨魚麵俾你醫醫肚啦!




2013年3月10日 星期日

18歲,戇居居!



今日朱家大小魔怪開生日會,

我由朝準備到晚就係為呢餐,

大大話話都攪咗11個鐘,

點知唔使30分鐘就俾佢哋13個大人清哂啦!

2013年3月9日 星期六

甜酸牛柳!


呢排行街市,

次次都見到有新鮮菠蘿賣,

唔食齋睇都流哂口水啦!

我又忍唔住買咗一個返屋企食呀!



2013年3月8日 星期五

兩餸+菜飯!(糖醋排骨)


今日係大小魔怪最後一日(中六)返學的大日子。

放學後,

佢哋各自都約咗同學慶祝唔返嚟食飯,

所以今日剩番我哋3位老人家(奶奶、老公和我)食飯咋,

簡簡單單二餸一菜飯~有魚有肉有菜!



2013年3月7日 星期四

下火~冬瓜冬菇瑤柱肉粒咸蛋湯飯!

尋日大魔怪去咗配眼鏡,

兩年嚟佢嘅近視又深咗好多,

差不多有600度近視!

唔係嘛,

深咗咁多,

緊係同打電腦有關啦!

仔亞仔,

生性D好唔好呀!

仲有呀,

大小魔怪成日生痱子,

痛到食唔到嘢,

食湯飯最啱呀!



2013年3月6日 星期三

乾扁四季豆!

其實大小魔怪都係一個唔識照顧自己嘅人,

如果個頭唔係黐係身,


我諗佢哋都會唔見咗囉!

校服、銀包、手機、書等;

今次仲離奇,

大魔怪竟然唔見咗眼鏡呀!

唔係嘛,

戴住都會唔見,

死未!


2013年3月5日 星期二

西餅蛋糕製作精選實習班三(第一堂)~紅豆綠茶鮮忌廉蛋糕!

 
今日我又開始返學啦!

係蛋糕堂上面遇到兩位blog友,

真係好啦!

今日整嘅係紅豆綠茶鮮忌廉蛋糕!

亞sir話個卷蛋要雪一晚先好食;

不過,

有大小魔怪係度,

個卷蛋邊會過到今晚架!

(未雪實真係切得唔靚架!)

2013年3月4日 星期一

泰式紅咖哩金不換炒蜆!

上星期五去九龍城食完泰國菜,

順便去賣泰國食品嘅舖頭買嘢,

朋友仔買咗一袋金不換,

分咗一半俾我,

今日有好嘢食啦!

可惜大魔怪生痱子,

唔食得太辣,

加咗少少紅咖哩咋,

等佢好番,

我要再炒多次嚟食先得!



2013年3月3日 星期日

一豬兩食!


見好耐冇整過咸豬手,

今日就嚟個一豬兩食啦!

煲個蕃茄薯仔紅蘿蔔咸豬手湯,

跟住焗隻蜜糖黑椒咸豬手,

有得食,有得飲,

慳水慳力呀!



2013年3月2日 星期六

魚露煎雞扒!

我喜歡用魚露醃肉~豬扒、雞扒、雞翼。

認住呢樽味露,

我覺得用咁多隻魚露當中,

呢樽唔太咸,

醃肉味道啱啱好架!

呢樽我係賣泰國食品嘅地方買架!



2013年3月1日 星期五

良朋歡聚~九龍城同心泰國菜館!

 
今日我哋4個鐵腳blog友又約埋食飯啦!

我哋去九龍城食泰國菜,

又係呢間同心泰國菜館。