2013年1月31日 星期四

朱家小炒!


出嚟做事有時真係好鬼激氣。

小人做衰嘢某人永遠都睇唔到,

大家出心出力做咩,

又永遠得唔到讚賞!

小人講一句,

好過我哋講十句。

唉,

有時真係做到好鬼心淡架!

講完D唔開心嘢,

冇哂心情添,

簡簡單單炒碟朱家小炒!







 
大家可以入嚟Facebook讚下我新開嘅Fans專頁呀!


2013年1月30日 星期三

元朗~正記菜館!

 
今日,

我哋學校全體同工一齊食團年飯!

簡簡單單去食大排檔,

唔坐室外坐室內呀!

2013年1月29日 星期二

雪菜火鴨絲炒冰豆腐!



今日肥媽上身,

呢碟餸全部都係雪櫃物資嚟架!

嘻嘻~今日打嘅斧頭錢,


我好滿意呀!


 

2013年1月28日 星期一

蒜香魚露豬扒烏冬!

 
多謝大家嘅關心呀!

今日我嘅病情有少少好轉,

不過
原來我食開嘅氣管藥係6個鐘頭食一次,

但我噚日每4個鐘就食咗一次,

唔怪之得噚日我成日都暈陀陀啦!


今日照番醫生指示食藥,

希望會快D好啦!

冇咩胃口,

今日煮咗個烏冬食呀!



 

2013年1月27日 星期日

青瓜雲耳炒扎肉!

今日我又睇多一次醫生啦!


所以繼續要食補品,

依家仲轉埋氣管敏感添,

咳到黐肺呀!

食咗氣管藥成個人暈陀陀,

由朝瞓到黑呀!

唔好話睇blog,

連煮飯都冇咩力呀!

是是旦旦炒碟餸出嚟食算啦!

 

2013年1月26日 星期六

與母親大人提早團年!

 

今日,

我哋與母親大人提早團年,

適逢妹妹最近生日,

齊齊食飯賀一賀佢啦!

以為提早2星期book枱食團年會冇咁多人,

點知一樣要等位,

仲要等食添呀!

我哋去美林大酒樓食飯呀!

2013年1月25日 星期五

瑞士汁雞髀配炒飯!

 
我知我知,

感冒咳係唔可以食雞,

不過咁吸引嘅



瑞士汁雞髀配炒飯,

又點會忍得口吖!


 

2013年1月23日 星期三

瑞士汁椰菜叉燒炒烏冬!

唉,

今朝一起身就喉嚨痛狂流鼻水兼開唔到聲,

就知道我已經中咗招啦!

今日不宜返工宜休息!(發夢中)

下午放工即刻去睇醫生,


今日食咗藥好攰,

簡簡單單炒咗個瑞士汁椰菜叉燒炒烏冬當晚餐;

原本小魔怪要補習唔返嚟食,

點知佢突然話改期唔使返,

好彩我炒咗6個烏冬,

唔係就肯定唔夠食架啦!



2013年1月22日 星期二

西餅蛋糕製作精選實習班(第十堂)~北海道牛奶芝士蛋糕&黑糖蜂蜜蛋糕!

終於到第十堂啦!

雖然係最後一堂,

但我又報咗另一個西餅蛋糕課程,

3月頭又開學啦!

今日整北海道牛奶芝士蛋糕&黑糖蜂蜜蛋糕!

2013年1月21日 星期一

沙拉骨!


最憎超市貨架上嘅貨,

好多時都係唔啱架!

上次我就攞錯罐頭杏脯當桃,

今次我就睇清睇楚啦!

前前後後,

左左右右,

肯定唔會錯呀!

 

 

2013年1月20日 星期日

鯉魚門~唔多掂嘅團購海鮮餐!

 
我起碼廿二年冇嚟過鯉魚門啦!

今日嚟到油塘,

真係變咗好多好多!

blog友仔買咗4份團購海鮮餐,

我、lonely&囡囡、好子和sand sand齊齊嚟搵食啦!

未食前行下街街先得!

 

2013年1月19日 星期六

蘿蔔肉丸煲!

 
呢排D蘿蔔好鬼甜,

仲好平添,

係百佳買咗一條細細嘅白蘿蔔,

哈哈,

唔係講笑$0.9咋,

合乎我慳家原則呀!

 

2013年1月18日 星期五

元朗~Thai Chef!

 有班志同道合嘅同事真好,

因為大家都鐘意食!

每次聽到有人話有好嘢食時,

我哋都會約埋一齊去試架!

今日就去咗呢間食泰菜自助餐,

食物雖然唔係好多,

不過食得妳飽囉!

呢餐$88包一杯餐飲!

(元朗福田徑2-16號樂富大廈地下6號舖)

提提大家,

最好6點半一開始就去食,

因為佢哋唔係一次過出哂D嘢食,

係逐碟炒出嚟架,

想食熱辣辣嘅嘢,

就要快啦!



2013年1月17日 星期四

哈哈,楊過至愛~菇菇!


哈哈,

楊過至愛~菇菇!

我打完個標題都笑咗出嚟,

唔單只楊過鐘意,

我都鐘意菇菇呀!


2013年1月16日 星期三

2013年第一包~卡士達餐包!


2013年第一包終於出爐啦!

今日拎起心肝整包,

係因為罐海苔芝麻豬肉鬆,

呢罐肉鬆係blog友仔幫我買架!

唔開由自可,

一開不得了,

太好食啦!

襯大小魔怪仲未返,

我唔客氣,

一口氣食咗2個呀!

 

2013年1月15日 星期二

2013年1月14日 星期一

南乳炒藕片!

 
大小魔怪和我都鐘意食蓮藕,

次次煲過嘅蓮藕我哋都唔會放過架!

有時更會爭住食添;

上星期六煲湯買咗3個蓮藕,

1個粉2個爽,

留起1個爽藕用嚟炒,

炒完我一路影相,

小魔怪一路偷食呀!

我唔識揀蓮藕,

點樣先可以揀到粉和爽藕呢???


 
 

2013年1月13日 星期日

粟米午餐肉粒飯!

1月份係寫學校評估報告嘅時候啦!

但呢排日日有食神,

噚日奶奶生日,

今日又參加朋友囡囡生日會,

真係冇咩時間做學校嘢架!

唯有偷D煮飯時間啦!

呢個碟頭飯係星期五嘅作品,

唔使10分鐘就有得食啦!

2013年1月12日 星期六

生日快樂呀!

 
今日係奶奶97歲生日,

就奶奶行動唔方便,

我哋訂咗個盆菜返屋企食,

驚唔夠食,

老公斬料燒肉和燒鴨,

我就煲埋個蓮藕鱆魚馬蹄綠豆排骨湯,

兼煮多2個菜,

仲有呢個黑糯米椰汁糕做飯後甜品添呀!


2013年1月11日 星期五

膽粗粗畫國畫II

 
係時候報告一下我學畫國畫嘅情況,

話咁快我哋已經上咗十一堂啦!

其實每一堂我都好俾機畫架!

國畫老師都讚我哋放膽咗,

手靈活咗,

仲有係似樣咗呀!

呢幾幅裡面,

我鐘意柳樹和蝦蝦呀!




2013年1月10日 星期四

咖哩薯仔雞配手抓餅!

 
估唔到2013年第一餅竟然俾咗手抓餅,

配埋唔係太辣嘅咖哩薯仔雞,

今餐唔食飯,

食餅啦!
 

 

2013年1月9日 星期三

鮑汁花生雞腳!

 
新一年新開始。

呢排我晚晚都好乖架,

食完晚飯後,

都會落去行公園做下運動,

我唔知我可以堅持幾耐,

不過希望我唔會咁快放棄啦!

日日係咁行,

食D嘢補補腳骨力先得!

 
 

2013年1月8日 星期二

西餅蛋糕製作精選實習班(第七&八堂)




人懶係咁架啦!

所以今日連出兩堂學整嘅蛋糕,

我鐘意朱古力蛋糕多少少,

唔like玫瑰花嘅香味呀!

第七堂~柚子蜜釀朱古力毛士蛋糕。

2013年1月7日 星期一

食蕉?食椒!


大小魔怪鐘意食椒,

每次見到紅紅綠綠黃黃嘅椒,

佢哋都會食唔停口架;

加埋係賀州買嘅蒜蓉豆豉粒,

辣辣哋,

送飯最啱呀!

 
 

2013年1月6日 星期日

咩嘢都可以炒一餐!

 
呢個假期真係日日食到冇停口,

唔可以再放縱自己,

要食D清啖嘢先得啦!

少鹽少油少肉多菜,

最重要係雪櫃有咩就炒咩,

咁又慳番唔少啦!

 

2013年1月5日 星期六

香港萬麗酒店咖啡廳!

 
今日又有blog聚啦!

噚日係lonely生日,

所以我約埋好子、lonely和囡囡一齊食自助餐呀!

lonely揀呢間嘅原因,

我諗係有佢~生蠔!

呢間D生蠔係即開即食,

超新鮮仲有4種生蠔任揀添呀!

連唔係咁鐘意食蠔嘅我,

都起碼食咗20隻;

最滿足係有我最最最鐘意嘅雪糕食呀!

呢餐用匯豐白金信用咭有85折,

橙汁汽水無限添飲,

仲有餐茶送,

每人平均$430咋!

6歲以下小朋友免費!

2013年1月4日 星期五

醉雞滾一滾,雀后都企唔穩呀!

天氣凍凍哋,

又係打邊爐嘅時候喇!

今日下午放工買定隻雞,

用簡單嘅醃料:豉油、鹽、糖、粟粉、薑汁、薑絲和杞子,

最重要係加埋大半碗花雞酒一齊醃雞,

(有時間最好醃過夜會更入味呀!)

將醉雞湯湯料預先煲1小時左右,

用佢嚟打邊爐就very good啦!

小魔怪話唔夠酒味喎,

我再加多咗大半碗花雕酒落D湯度呀!

(湯底要加少少鹽調味架!)

2013年1月3日 星期四

香煎蓮藕餅!


唔知我係咪有放假後遺症,

唔使返工就鬼打咁精神,

返工之後就攰到CC下,

好彩我返半日工咋,

唔係我就C得喇!

好鐘意我係facebook講果句:

我唔係老餅,

但鐘意食藕餅呀!


 

2013年1月2日 星期三

沙爹雞翼!

 
係呢個聖誕假期裡面,

成日見blog友仔去BB蕉,

諗諗下我都好耐冇蕉過喇;

奈何屋企冇人得閒陪我,

好想BB蕉呀!

唯有焗個沙爹雞翼當蕉咗啦!
 
 

2013年1月1日 星期二

2013元旦第一煮!

 
終於踏入2013年啦!
 
話咁快連續13日聖誕假又放完啦!

大家係時候要收拾心情聽日返工返學
啦!

(原來大小魔怪1月3 日先返學,好羨慕啊!)
今晚唔係煮大餐,

簡簡單單4餸1湯(連湯渣),

白飯任裝呀!