2012年10月31日 星期三

冬天必食~生炒糯米飯!


每當天氣一轉涼,

我就會諗起佢架啦!

邊個???

咪就係佢~生炒糯米飯囉!

小魔怪和我超like呀,

而大魔怪對糯米飯就麻麻哋啦!

呢一大盆生炒糯米飯,

等我同小魔怪夾手夾腳食哂佢啦!

咁啱老公又有應酬,
 
 
佢千吩咐萬吩咐話要留番俾佢食喎,

嘻嘻,希望有得剩啦!

 

 

2012年10月30日 星期二

全麥亞麻籽瓜子仁牛奶包!

我唔係咁鐘意落雨濕淋淋嘅日子,

不過,

如果有杯咖啡和麵包擺係我面前囉喎,

咁就唔同啦,

我成個人都會精神哂呀!

2012年10月29日 星期一

足料炮製~鮮草菇勝瓜雲耳魚肚杞子浸魚湯!

 
唔知係咪我好耐冇去魚檔買魚呢???

見到份4條嘅紅衫魚毛,

諗住買嚟滾湯啦!

亞姐話$25蚊,

嘩,好似貴咗D喎!

係我印象中呢份魚之前好似賣$10-15,

做咩依家貴咗咁多架???

條魚咁貴食得唔好嘥,

我要點豉油食埋佢呀!

 

2012年10月28日 星期日

鹵水豬軟骨!


唔知幾時開始,

我鐘意自己整鹵水汁,

買個鹵水包返嚟,

調啱自己嘅味道,

咁就可以用嚟鹵食物架啦!

每次鹵完食物後再煲滾佢待涼,

用盒或袋裝好後存放係冰箱,

咁隨時想整鹵水時,

攞出嚟煲滾就得啦!

今次用咗個燜燒鍋炆豬軟骨,

先炆豬軟骨1小時,

再放入燜燒鍋中焗3-4小時,

食前煲番半個鐘,

嘩,

D豬軟骨好腍好入味呀! 


 

2012年10月27日 星期六

全麥亞麻籽牛奶方包!


今日終於的起心肝整方包啦!

買咗個方包模已經有幾個月,

再唔用就舖塵架啦!

第一次整係咁上下啦,

爆口兼發得唔高,

係我貪快未發夠就放入焗爐焗,

不過焗出嚟質感又唔錯喎,

加埋亞麻籽落去,

感覺上好健康呀!

2012年10月25日 星期四

閒情!

 
近日係學校附近的湖上,

出現了一幕溫馨的情景~天鵝BB出巡啦!

每當天鵝BB出巡,

旁邊嘅天鵝爸爸和天鵝媽媽都好緊張,

做咗佢哋嘅左右護法呢!

睇見佢哋一家咁優閒游來游去,

好羨慕啊!

跟網友談起,

現今香港,

真難見到活生生嘅雞鵝鴨,

不久將來小朋友認識它們,

可能只在書本上,

真可悲啊!
 

 
 

蝦醬炸雞翼!


講個好消息俾大家知,

有學校收咗祈祈BB讀N.1班啦!

嘻嘻,

我諗呢間學校從此又多一個小百厭星啦!

今時今日,

唔係人人都喜歡蝦醬嘅味道,

但我就好鐘意啦!

我覺得佢有一種淡淡清香,

咸得嚟好味道呀!

 
 

2012年10月24日 星期三

吉士忌廉包!

 
上次整芒果拿破侖時,

預多咗吉士餡添,

食得唔好嘥,

今日即刻整番個吉士忌廉包做宵夜先得!


 
 

2012年10月23日 星期二

薑汁炒芥蘭!




大小魔怪自細都唔鐘意食芥蘭,

因為佢哋話有苦味喎!

不過自從我加咗薑汁落去炒芥蘭之後,

咁又唔同講法啦!

2012年10月22日 星期一

Happy gathering!!

 

噚日我同老公去咗探祈祈BB,

因為妹妹話要慶祝祈祈BB 20個月大喎!

冇見一排,

祈祈BB又大個咗仲瘦咗添;

呢排妹妹佢哋為咗幫祈祈BB報讀2歲班,

非常煩惱,

原因係佢太活潑、坐唔定、鐘意玩、好奇心強;

面試時,考官竟然問一個唔夠2歲嘅小朋友:

一連串動物、五官、水果、分辨顏色、大小、方位等等。

我聽到都O哂咀呀!

如果祈祈BB識,都唔使返學啦!(呢個係我個人意見呀!)
 

講完祈祈BB,

就講我哋噚晚嘅晚餐;

呢餐晚餐係由我哋每一家人準備2個餸而成的;

我準備芒果拿破侖、粟米魚肚羹 

2012年10月21日 星期日

芒果拿破侖!

今日一早起身,

因為有個艱辛任務要完成呀!

咩任務???

就係要整一個芒果拿破侖啦!

我會攞呢個蛋糕去探祈祈BB,

呢個妹仔已經20個月大啦!

講開又講,

噚日去買芒果,

成個街市得1檔有咋,

仲要成$12個,

我買咗4個,

超貴呀!

不過都幾甜啊!(抵番呀!)

2012年10月20日 星期六

家常便飯&團購家鄉雞!




噚晚食咗雜糧,

所以今日下午要煮飯食啦!

至於晚餐呢,

前排買咗個團購家鄉雞~封味錫紙烤系列,

試試新醬燒雞,

我同小魔怪覺得幾入味,

而大魔怪就覺得炸雞好食D囉!

午餐:



2012年10月19日 星期五

2012年10月18日 星期四

High tea~Pantry Bread & Pastries!

 

今日,

我陪朋友落銅鑼灣辦事;

做完正經事後,

順便一齊去high tea呀!

點解揀呢間,

因為朋友老公係呢度做總餅司囉!

我哋3個人試食咗4款cake,

芒果酥、蘋果酥、咖啡芝士蛋白卷、檸檬芝士餅。

其實件件cake都各有特色,

不過我最鐘意食芒果酥呀!

地址: 銅鑼灣百德新街50-56號唐寧大廈地下D舖

電話: 25773898

2012年10月17日 星期三

鮮腐皮雞扎!




係深水埗樹記買咗D腐皮碎都仲未用完,


用嚟煲湯又煲過糖水,

今次我用嚟整點心~鮮腐皮雞扎!

諗住蒸2件雞扎獨食啦!

點知小魔怪啱啱放學返咗嚟,

唉,

又要同佢一齊分享啦!


2012年10月16日 星期二

芝士椰香葡國雞翼!


今日下午又冇停水啦!

因為屋苑要洗水缸囉!

好彩好快已經有番食水,

而且D水又冇以前咁黃添!

見有水,

拿拿淋整定個改良版葡國雞先得,

到臨食前再加埋芝士焗下佢,

唔知有冇得剩呢???

 
 

2012年10月15日 星期一

西餅、甜品製作精選實習班(第十堂)~芒果拿破侖&蝴蝶酥!


今日已經係呢個課程最後一堂啦!

今次整嘅係芒果拿破侖,

不過亞sir見搓開酥皮,

咪又搓埋蝴蝶酥請我哋食囉!
雖然呢堂係最後一堂,

不過,

我又報咗另一個蛋糕課程,

11月頭開學啦!

2012年10月14日 星期日

芝麻雞絲粉皮拌青瓜絲!


手撕雞就食得多啦!

今次唔想加薑蔥蓉,

加咗芝麻醬落去一齊撈起,

哈哈,

正所謂撈起撈起,

撈到風山水起呀!


 

2012年10月13日 星期六

牛皇星!


T&P係澳洲返咗嚟,

梗係要約埋一齊食飯傾計啦!

今日我哋又係嚟呢間佐敦吳松街嘅牛皇星烚吓烚吓,

出席有:T&P伉儷、lonely&囡囡、sand sand和我!

今次我最鐘意食嘅係新鮮炸魚皮,

超脆呀!

2012年10月12日 星期五

獻出第一次~蝴蝶酥!


 
 
今日終於拎起心肝整蝴蝶酥!

因為明天有個約會,

約會嘅朋友仔會做今次嘅白老鼠,

哈哈!

呢個已經係減糖版,

不過勁多牛油,

要肥嘅就一齊肥啦!

仲有呀,

千祈唔好俾亞sir睇到我整呢個蝴蝶酥,

因為錯漏百出,

佢實趕我出師門架!@@"


2012年10月11日 星期四

客家釀豆腐卜!


係流浮山買咗條梅香咸魚,

斬開一件件後,

放入玻璃樽內蓋好,

存放於雪櫃中,

食前攞一件出嚟略洗,

用嚟蒸餸都唔錯架;

不過今日件咸魚唔係用嚟蒸,

係釀呀!

 

 

2012年10月10日 星期三

印尼沙爹雞串燒!


大小魔怪自升上中六後,

課程好緊密,

仲好多功課添,

有時仲要做到半夜三更,

都幾辛苦架!

整碟印尼串燒俾佢哋減減壓啦!

 

 

2012年10月9日 星期二

西餅、甜品製作精選實習班(第八&九堂)

 
我太多blog未post,

所以今次一次過post哂兩堂所學嘅課程,

呢兩堂學嘅都係我嘅至愛,

焗梳乎厘、蝴蝶酥、咖哩酥皮牛肉角和格仔餅!

第八堂原本學pavlova&格仔餅,

不過我哋全部同學仔冇咩興趣整pavlova,

所以要求亞sir改整酥皮咖哩牛肉角,

我哋同學仔齊齊夾錢買材料呀!

2012年10月8日 星期一

打邊爐!

 

自從係樹記買咗2包嚮鈴返嚟之後,

大小魔怪日日都問幾時打邊爐,

見佢哋咁鐘意囉,

好啦,

噚晚卅度都嚟打邊爐啦!

我哋太心急太肚餓,

肥牛、豬柳片、魚皮餃和金菇都未影相已經開餐啦!

2012年10月7日 星期日

昨日的下午茶~沙律蟹捧包+蒸餾咖啡!



老公早排申請信用咭,

送咗部蒸餾咖啡機俾佢,

細細部每次整得一杯,

幾時先輪到我有得飲呀???

雖然係咁,

不過間中焗個包嘆杯咖啡,

都唔錯啊!


 

2012年10月6日 星期六

歡送會!



與我哋做咗九年同事嘅英文老師~Mrs. Simone,

佢哋一家下星期要返紐西蘭啦!

係呢九年日子裡面,

佢好盡心盡力教學生,

做事投入和冇怨言,

我哋全體學校同工都好唔捨得佢呀!

離愁別緒,

盡在這個晚上!

今次我哋選擇食中式hotpot和教她打麻雀呀!

呢兩樣活動佢都未試過架!

2012年10月5日 星期五

炒三絲!


噚日和今日,

大魔怪學校舉行陸運會,

今年佢冇參加任何比賽,

因為佢要做工作人員,

唔知係咪佢太投入太落力,

攪到肌肉酸痛,

痛到成晚都瞓唔好覺;

做亞媽嘅我心都痛埋囉!

食止痛藥和搽咗按摩膏,

希望可以舒緩痛楚啦!




2012年10月4日 星期四

深水埗~添好運、樹記、公和!

10月2日(星期二),
三個女人原本約埋一齊入長洲,
不過驚長洲好多人(撞船後又驚咗搭船),
所以決定改行程去深水埗啦!
第一站~添好運點心專門站!
俾我發少少牢騷:
其實排隊唔緊要,
不過唔該公平少少啦!
遲嚟先有枱,
早到要繼續等;
仲有大聲投訴嘅大陸客會即刻有枱,
我哋呢D斯文客就要死等,
公平咩???
 
我唔想同某某人一般見識,
但都要同經理理論一下,
原來大聲夾惡係有用架,
咩世界呀???!!!


2012年10月2日 星期二

非一般的~鳳爪排骨蒸飯!

 
非一般的~鳳爪排骨蒸飯!

非一般???

今次唔係用普通排骨,

而係用飛排~排骨中的極品,

又腍又滑的部份!

加埋杯濃濃普洱茶,

滿足!
 

鮮腐皮白果薏米胡椒豬肚排骨湯!



噚日襯仲係假期,

所以我、好子和Sand Sand一齊落深水埗行街街;

買咗一大堆嘢,

最最最想買嘅就係佢~鮮腐皮碎,

唔好睇少呢D腐皮碎,

用佢嚟煲糖水、煲湯都好好飲架!

本來噚日諗住煲另一款湯,

但我
等唔切啦,

即刻要煲嚟飲~鮮腐皮白果薏米胡椒豬肚排骨湯,

加埋馬蹄落去一齊煲,

超正呀!
 
 

2012年10月1日 星期一

中秋燒烤樂!


噚晚,

我哋兩老去咗姐姐家燒烤,

大小魔怪梗係有節目啦!

我同姐姐講,

第日肯定會剩番我哋呢D老人家一齊過節囉!

好彩,

仲有祈祈BB陪我哋咋!

姨甥仔生日,

我整咗個蛋糕賀賀佢呀!
 



 
 


大家可以入嚟Facebook讚下我新開嘅Fans專頁呀!