2012年8月31日 星期五

快餐~白汁蘑菇雞絲意粉!


今日有嘢攪,

冇咩時間煮飯,

係咁易整咗個快餐~白汁蘑菇雞絲意粉,

簡單又好味道,

大魔怪食咗3碟後問:

媽咪,仲有冇意粉呀???

我暈啦!


2012年8月30日 星期四

脆皮燒腩仔!


今日係農曆七月十四,

唔知係咪咁嘅原因,

寫咗幾次blog都出唔到,

有冇咁邪呀!


2012年8月28日 星期二

自製麵條~薑蔥手撕雞撈麵!


今日太陽伯伯好勤力呀!

曬到我CC下,

我諗元朗起碼有成36-37度,

真係熱到人都顛呀!

返到屋企大小魔怪已經開咗冷氣,

好舒服呀!

不過當收到電費單時,

我就會冇眼睇啦!
 

麵條做法:
材料: 高筋麵粉300g、低筋麵粉200g、鹽半茶匙、水225g

做法: 將麵粉、鹽和水混合,水要慢慢加入麵粉中,

由鬆散麵糰搓成光滑唔黐手,用濕布蓋著等30分鐘,

取出麵糰切開4份,用擀麵捧擀平後,

放入壓麵機調教9度壓麵糰兩次,

再調教7度和4度壓麵糰,灑少許麵粉在麵皮上,

放入切麵機中切成粗條;將麵條放入滾水中出水後,

加入喜愛的材料或湯料,就有好味嘅自家麵食啦!


薑蔥手撕雞做法:
材料: 芽菜半斤、雞1隻、蒜蓉、乾蔥蓉、薑蓉和蔥粒
醃料: 鹽1.5茶匙、玫瑰露酒半湯匙

調味: 豉油1湯匙、老抽半湯匙、糖1茶匙、麻油少許和蒸雞汁3匙羹

做法: 雞用鹽和玫瑰露酒醃半天;芽菜去頭尾用鹽水烚30秒,

撈起瀝乾水份備用;蒸雞25分鐘後焗多5分鐘,
待涼拆肉,

將雞肉放在芽菜面;
燒熱油鑊爆香將蒜蓉、乾蔥蓉和薑蓉,
加入調味料內與雞絲、芽菜和蔥粒撈埋便成。



 
 

 
 

大家可以入嚟Facebook讚下我新開嘅Fans專頁呀! 
 


 

2012年8月27日 星期一

西餅、甜品製作精選實習班(第五堂)~意大利奶酪&什果金寶批!

 






今日亞sir教整意大利奶酪&什果金寶批,

不過大家都唔係咁鐘意食熱嘅生果批,

如果做凍批我諗會受歡迎多D囉!

好彩亞sir最後都整咗個蛋撻請大家食,

好味道呀!

2012年8月25日 星期六

青春!


青春,

真可愛青春!

拔,

我咁嘅年紀都生咗兩粒青春豆,

我唔想囉!



蜜椒雞翼!

前排睇番亞蘇嘅節目,

教大家醃燒烤雞翼時,

加埋蜜糖一齊醃會好味D喎;

我又試下係咪真係咁好食先得!



2012年8月24日 星期五

咖哩蘿蔔豬皮魚蛋!

今日整咗一大碟咖喱蘿蔔豬皮魚蛋,

都唔使30蚊,

抵到呢!


大小魔怪一見到碟餸即刻話:

嘩,

做咩今日咁好餸呀!


2012年8月23日 星期四

2012年8月22日 星期三

芝士海苔芝麻肉鬆包

 
自從我去學整蛋糕後,

都有成個月冇整麵包啦!

做人係唔可以貪新忘舊o架!

今次我用咗台灣買嘅海苔芝麻肉鬆+北海道3.6牛奶,

同埋加咗Mozzarella cheese,

唔知咁嘅配搭,

啱唔啱大家口味呢???

2012年8月21日 星期二

西餅、甜品製作精選實習班(第四堂)~芒果芝士毛士蛋糕&南瓜批!




今堂整芒果芝士mousse蛋糕,

可惜亞sir話成條街都搵唔到有芒果賣,

唯有係烘焙店買現成芒果蓉,

不過整完一D都冇芒果味,

嘥哂啦!

好彩有個好味道嘅南瓜批,

甜度適中,

外形仲靚過街買呀!

 

2012年8月20日 星期一

涼拌榨菜腎片!

見有幾個火雞腎係冰箱,

一於整個涼拌餸食下先得,

順便清清個冰箱都好呀!



2012年8月19日 星期日

鱷魚止咳湯!

前幾日,

我係美食博覽買咗幾包北京同仁堂嘅湯包,

見老公近排有D咳,

簡簡單單買咗舊豬展,

加埋1個
紅蘿蔔和3條粟米一齊煲,

好方便呀!



2012年8月18日 星期六

雪菜火鴨絲湯窩米!

我將噚晚帶番屋企其中一個鴨殼起咗肉,

整咗個雪菜火鴨絲湯窩米;

一大包米粉連湯連餸,

俾大小魔怪清哂啦!

10蚊雞1個鴨殼都起咗成碗肉,

正呀!



雙喜~沙田明星海鮮舫!

 
今日,

妹夫請食飯,

一來慶祝妹夫榮升副校長,

二來慶祝祈祈BB18個月生日呀!

姐姐買咗個生日蛋糕,

而我就整咗條蛋卷啦!

2012年8月17日 星期五

第一次~鮮忌廉卷蛋糕!


今日,

係我第一次自己一手一腳整卷蛋糕,

雖然個蛋糕厚身咗少少,

忌廉搽得唔夠勻,

卷又卷得雞手鴨腳,

不過食落又幾好味道,

技術仲有好多進步空間呀!

2012年8月16日 星期四

2012美食博覽!






今日又掛起3號風球啦!

襯有風假和同事一齊去灣仔會展逛逛美食博覽,

幣,

我買買買到唔停手,

點拎呀???



2012年8月15日 星期三

涼拌菠菜豆腐乾!

仲有一包豆腐乾,

食用限期好快到,

一於又整多個豆腐乾菜式先得!

今次整涼菠菜豆腐乾!



2012年8月14日 星期二

豆腐乾炒三絲!


係中國買咗2包豆腐乾返香港,

3.5人民幣2包價錢超平呀!

今日用咗一包嚟炒絲,

清清哋,

啱哂我呀!




2012年8月13日 星期一

西餅、甜品製作精選實習班(第三堂)~香蕉合桃蛋糕&蛋白檸檬批!

 
今日上堂學整香蕉合桃蛋糕&蛋白檸檬批,

其間亞sir整多咗批皮,

於是加少少咖啡水、杏仁片和糖霜,

咁就做咗美味嘅咖啡杏仁曲奇啦!



 

2012年8月12日 星期日

涼拌日!

今日係涼拌日,

因為一次過整咗兩款涼拌菜式,

涼拌茄子和涼拌豆腐乾;

有小魔怪幫手拆茄子絲,

佢話碟茄子特別好味道喎!



2012年8月11日 星期六

北上~少年宮書城、廚安居、超市一日購物團!


今日,

約咗好子、美味娘娘和sand sand,

一齊北上shopping兼飲飲食食;

我哋由朝早10點買買買行行行食食食到晚上9點半左右,

成個人散哂,

好攰呀!

第一站係少年宮書城,

話咗唔買書o架啦!

不過都係忍唔住手,

買咗3本書呀!

2012年8月10日 星期五

黑加侖子香檳半圓球蛋糕!

 


今日,


我又同lonely去學整蛋糕啦!

今次整黑加侖子香檳半圓球蛋糕,





呢個蛋糕都幾多步驟,

仲用咗5種不同嘅酒嚟整,

小朋友唔係幾啱食,

不過酒鬼嘅我就鐘意啦!


酸酸甜甜,

唔錯唔錯!


2012年8月9日 星期四

鮮魚湯飯~絲瓜魚湯浸魚肚!


唔知我係咪作病呢;
 
今日成朝都覺得好鬼凍,

手腳冰冷,

好唔舒服呀!

好彩下午飲咗碗熱湯,

暖番少少,

今日冇咩胃口,

食湯飯呀!

2012年8月8日 星期三

焗雞蛋糕!

 
上次試過亞sir整嘅蛋糕之後,

真係好好食,

今日我抵受唔到誘惑添,

再整嚟食呀!
 
 

 

2012年8月7日 星期二

豉汁帶子蒸豆腐!


上星期,

我真係好少留係屋企煮飯,

連老公都有少少微言話我成日唔黐家,

睇嚟,

我要閉關幾日囉!


 

2012年8月6日 星期一

西餅、甜品製作精選實習班(第二堂)~椰子雪芳蛋糕&花生曲奇!

今堂亞sir教整椰子雪芳蛋糕&花生曲奇,

又係用分蛋法,

加埋椰絲和椰漿,

好香;

不過我都係鐘意食冇椰絲嘅蛋糕囉!

2012年8月5日 星期日

天水圍客家好棧!


今日,

我做孝順女,

請母親大人食晚飯;

母親大人成日話想去客家好棧食飯,

一於聽佢話啦!

小魔怪話好攰唔去,

加埋母親大人得我哋4個人咋!

我叫咗個4人套餐+孖寶餐,

6餸1湯2飯,

連個待應都懷疑咁望住我哋~好大食呀!

呢餐食咗$558免加一茶芥呀!

2012年8月4日 星期六

黑椒洋蔥牛仔骨!

 
開咗學兩日,

日日放工後我都好鬼攰呀!

雖然依家小朋友有家長陪,

暫時冇小朋友喊;

不過到下星期開始,

家長要逐步離開,

希望到時小朋友唔好大合唱啦!

 
 

2012年8月3日 星期五

團購~潮廷匯!

今日,

Lonely、Sand sand、好子和我,

又約埋一齊食飯啦!

今次又係團購食8道菜私房晚餐,

除咗8道菜外,

仲有送芝士龍蝦煎麵和壽包,

每位$139+$25茶芥加一呀!

每人一份,

唔使爭呀!
 


2012年8月2日 星期四

2012年8月1日 星期三

如心廣場~漁屋!

 
今日,

我和大小魔怪約咗母親大人、姐姐一家、妹妹一家,

合共9人,

去食日式放題,

妹妹仲講笑話,

以大小魔怪嘅食力,

睇下可唔可食到間放題執笠先得!