2010年2月28日 星期日

第一次自製pizza!

 
呢排見blog友仔成日自己整pizza嚟食,
我心思思又想試,
一早起身去百佳買整所有材料,
加埋我上次整蛋糕用剩嘅高筋粉,
開始整我第一個pizza啦!

唔好問我餅底點整和份量,
我都係參考blog友仔和打天才波,
不過個餅底都係用高筋麵粉、依士粉、鹽、糖、油和暖水搓成的。
今次仲加咗pizza專用芝士條添!
咁就整咗1個長方形和1個圓形pizza啦!
pizza餡料有蕃茄膏半罐、香草雞肉、蟹柳、粟米和蘑菇。

2010年2月27日 星期六

魚露烤雞全翼!

 
呢排我好鐘意用魚露嚟醃餸,
 
我發覺用魚露代替豉油醃肉類,
 
好好味道o架!
 
D魚露會帶出肉嘅鮮味,
 
而且又冇豉油咁咸,
 
大家不妨試吓啦!
 

2010年2月26日 星期五

都係焗嘢好!

 
經過昨日煎豬扒嘅經驗,
今日我唔敢俾工人姐姐煮嘢住,
剩係叫佢洗菜呀!
而我就用焗爐焗燒肉。

2010年2月25日 星期四

嘩!好燶喎!

 
今日我要留校教興趣班,
 
 

我諗住叫新工人姐姐煎定豬扒,
 
等我返屋企可以燴粟米蓉;
 
點知當我返到屋企一睇碟豬扒,
 
嘩!好燶喎!
 
好彩我買咗盒叉燒,
 
拿拿聲攞2包烏冬出嚟,
 
炒番個叉燒烏冬先得!
 
 

2010年2月24日 星期三

蜜汁豬肘骨!

 
自從買咗個焗爐之後,
 
我好鐘意用焗爐焗嘢食,
 
可以用少咗油外,
 
又方便又慳時間,
 
放入焗爐過一陣反反佢再焗,
 
咁就食得!
 
成日都整雞翼、雞髀或蛋糕,
 
今次我整豬肘骨。

 

2010年2月23日 星期二

蒜蓉粉絲蒸蝦!

 
過年前,係百佳買咗盒蝦,
 
呢盒蝦係妹妹妹夫介紹o架!
 
佢哋話好正仲好有蝦味添!
 
當時做特價$35.X一盒,
 
於是買咗2盒,
 
1盒都有12隻o架!
 
年三十團年飯用咗18隻整豉油皇煎大蝦,
 
又真係幾好味喎!
 
剩番6隻今次整蒸蝦(開邊)



蒜蓉粉絲蒸蝦(開邊)

 
煙鴨胸炒青瓜

 
豬肉蒸雞蛋



 
 
 
 
 
  
大家可以入嚟Facebook讚下我新開嘅Fans專頁呀! 
 

2010年2月22日 星期一

好激氣呀!

 
唔知道係咪時下年青人唔鐘意著衫,
新年期間得果10度8度,
小魔怪剩係著2件衫,
仲係薄薄哋果種,
叫佢著衫都幾難,
我攞埋俾佢都唔著;

成日都話夠衫著,
仲話人有禦寒能力添!
終於佢係星期日開始喉嚨痛、聲沙,
今日仲狂留鼻水添;
唉!激到我CC吓囉!
不過見佢病冇胃口,
又唔忍心唔整嘢俾佢食。

2010年2月21日 星期日

家肥屋潤~客家豬肉砵!

 
呢個豬肉砵係老公客家名菜之一,
 
佢哋過年一定食芽菇炆豬腩肉,
 
又或者呢個豬肉砵;
 
前幾日睇電視勾起咗佢嘅童年回憶,
 
仲話好想食添!
 
做老婆嘅我梗係要做番D嘢啦!
 
由於我未見過同食過,
 
真係唔知道係咩嚟o架!
 
 

2010年2月19日 星期五

酥炸魚柳!

 
今年我第一次大頭蝦之作~酥炸魚柳!
 
本來我想整粟米燴魚柳,
 
不過我真係大頭蝦,
 
竟然買錯咗原粒粟米,
 
仲要係開咗盒先發覺呀!
 
唯有就咁食啦!
 
不過食落都唔錯啊!


睇嚟,
 
我又要諗諗用呢D粟米整咩餸啦!

 

2010年2月16日 星期二

大年初三!

 
今日是大年初三,
大伯一家和姑奶一家會到我家拜年。
我一早去到街市買餸,
咩都未開,
剩係菜和豬肉檔開得一兩檔,
都唔知道整咩食好,
我將屋企雪櫃裡所有物資完部攞哂出嚟呀!
大家唯有將就啦!

2010年2月15日 星期一

大年初二!

 
2chinesenewyear_10.gif



 
今日是大年初二,
昨日去咗大伯度拜年,
聽大伯娘話今日初二是全年最唔好的日子,
所以大家食「開X飯」時,
千祈唔好講出嚟話食「開X飯」,
又唔好拜神喎!
最好咩都唔好攪,
要攪嘅就係初三先啦!
雖然我唔需要拜神,(奶奶信基督教o架!)
但大伯娘叫到,
咪跟著做囉!
信不信由你!
(我唔係導人迷信呀!)

我一早起床又要預備整午餐嘅時候啦!
因為12點前又要出外拜年。
今年初二餸菜好簡單:(全部熟口熟面啊!)

2010年2月14日 星期日

甜甜糖不甩!





 
今日係大年初一,
 
我祝大家心想事成,
 
 身體健康,
 
萬事如意!
 


另外,
 
祝各位情人節快樂!
 
特此送上一款令人甜到入心嘅甜品啊!
 
 

 

大年初一食齋呀!





 
每年大年初一,
朱家家規要食齋,
呢個係大小魔怪嘅C穴,
成日都冇肉食,
對佢哋嚟講都幾辛苦o架!
梗係啦!佢哋生於90後,
幾時有受過苦呀!
要咩有咩,
伸伸手就有錢使,有飯食!
一年一日食D健康食物,
起身梗係要食糕糕啦!
食完午飯要去大伯度拜年呀!

2010年2月13日 星期六

我的團年飯!

 
今年母親大人專登入嚟同我們一齊吃團年飯。
自父親大人去世後,
每逢過時過節,
母親大人都想多D人陪伴她,
見她入開嚟食飯,
等我整餐好嘢俾佢食啦!
點知妹妹和妹夫又話入嚟食飯,
嘻嘻!好嘢,又有麻雀打啦!
8餸1湯,白飯任裝呀!
我的團年晚餐:

2010年2月12日 星期五

鐘意焗定炸呀?

 
昨日我個廚房都好忙o架!
 
2個爐一齊蒸蘿蔔糕,
 
個焗爐焗蛋糕外,
 
仲要焗埋半斤腰果添!
 
好方便,
 
將腰果用鹽水出水2分鐘,
 
撈起抹乾水份,吹吹濕氣,
 
用180度上火焗20分鐘,
 
中間梗係要反反面啦!
 
焗完取出待涼加鹽便成。
 

 

再整蘿蔔糕!

 
前2日,
 
 
我一早吩咐工人姐姐去街市買6斤蘿蔔返屋企,
 
佢買咗5條大大條成8斤幾,
 
3蚊2斤都抵啦!
 
點知老公唔知道經過街市又買咗4斤返嚟,
 
4蚊2斤,
 
激死仲貴少少添呀!
 
唯有前日即刻攞咗條嚟炆魚鬆,
 
依家屋企仲有成8條蘿蔔,
 
我諗我唔會整哂佢囉!
 
想刨死人咩!

 
呢個勁多臘味嘅留番俾自己食。
 
 
呢個XO醬臘味蘿蔔糕,
 
 
係我手多多蒸好糕後加上李錦記XO醬。
 
呢個白雪雪嘅送給母親大人,
 
 
因為佢唔多食臘味,
 
 
咁就唔好浪費啦!
 
等我哋抵諗D食埋剩番嘅臘味啦!

2010年2月10日 星期三

沙爹雞串燒配印尼蝦片!

 
前排見Blog友整串燒,
 
自己心思思又整番餐食吓!
 
買哂材料返屋企慢慢串。
 
每逢過年,
 
我一定會叫工人姐姐炸定D蝦片,
 
等客人嚟到都有小食招呼嘛!
 
 

2010年2月9日 星期二

咖哩牛腩煲!

過年前要清清手頭上有嘅醬料,
等過年後又可以買新嘢嘛!
A1咖哩醬是姐姐朋友送給她轉送給我的,
佢話好辣唔敢食,
見新工人姐姐唔食豬肉,
(好頭痛呀!奶奶又唔食牛肉。)
整番餐牛牛俾大家食啦!

2010年2月8日 星期一

回鍋肉!

昨日整天下著大雨, 
匆匆的接新工人姐姐返屋企,
老公話唔好吩咐工人姐姐做咁多嘢, 
人生路不熟, 
休息吓喎!
老公, 
我都要休息喎! 


2010年2月6日 星期六

團年飯!

 
今日我們到母親大人家裡吃團年飯,
她一朝早已經開始準備晚餐的食物,
來回街市數轉呢!
好辛苦啊!

2010年2月5日 星期五

好唔好食呀???

 
呢排小魔怪成日出街同同學仔食飯,
 
但佢次次都冇話低唔食飯喎!
 
咁我咪留飯留餸囉!
 
點知佢話食飽飽,
 
激死人啦!
 
為咗唔想佢出街食咁多味精食物,
 
亞仔,媽咪又要花D心思,
 
整返D嘢吸引你先得!
 
 

2010年2月4日 星期四

黑椒洋蔥豬扒印尼撈麵!

 
繼上星期學校忙完派成績表後,
今個星期大家又忙農曆新年嘅嘢,
課室佈置、戶外參觀、籌備下星期二新年慶祝會的事宜,
所以今日呢餐都係工人姐姐攪掂,
我返到屋企剩係自己整咗個麵嚟食。

2010年2月2日 星期二

豉椒炒蜆!

 
成個幾2個月冇食炒蜆,
於是心思思去街市睇睇,
點知平時檔檔都有嘅蜆和花甲,
竟然得番一檔有得賣,
1斤$16,買咗$30。

2010年2月1日 星期一

鹽酥雞!

 
踏入2月份,
 
很快便到農曆新年啦!
 
好多好多嘢要買和準備,
 
慶幸唔使我大掃除咋!
 
因為新嘅工人姐姐會係2月7日到,
 
到過年時,我同時會有2個工人姐姐呀!
 
新年期間我可以教到新姐姐做嘢,
 
希望一切工作交接成功啦!